ⵜⴳⴰ ⵜⴷⵍⵙⴰ ⴳ ⵍⵎⵖⵔⵉⴱ ⵉⵛⵜ ⵏ ⵜⵔⵓⵙⵉ ⵉⵎⵇⵇⵓⵔⵏ, ⵉⵜⵜⵢⴰⵙⵙⵏ ⵙ ⵜⵉⴳⴳⵉⴷⵉⵜ ⴷ ⵓⵎⵢⴰⵏⴰⵡ, ⴳ ⵜⵎⵎⴰⵍ ⴽⵔⴰ ⵉⴳⴰ ⵜⵜ ⵜⴰⵎⵏⴰⴹⵜ ⵙ ⵎⴰⵢⴷ ⵖⵓⵔⵙ ⵉⵍⵍⴰⵏ, ⴷ ⴰⵔ ⵉⵎⵎⴰⵍ ⴰⵡⴷ ⵙ ⵜⵖⵔⵎⴰ ⵜⴰⵣⴰⵢⴽⵓⵜ ⵏ ⵜⵎⵓⵔⵜ ⵏⵏⵖ. ⵉⴷⴷⴰ ⴷ ⵎⴰⵏⴰⵢⴰ ⴳ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵉⴽⴽⴰⵏ ⵅⴼ ⵜⵎⵓⵔⵜ ⵜⴰⵙⵓⵜⵉⵏ ⵅⴼ ⵜⵙⵓⵜⵉⵏ, ⴷ ⵜⵖⵔⵎⵉⵡⵉⵏ ⵉⴽⴽⴰⵏ ⴷ ⵉⴷⵊⴰⵔⵏ ⵜⴰⵎⵓⵔⵜ ⵏⵏⵖ, ⴳ ⵎⵎⴽⵛⴰⵎⵜ ⵜⵡⵔⴳⵍⵉⵏ ⵜⵉⵎⴰⵣⵉⵖⵉⵏ, ⵉⵡⵜⴰⵏ ⵙ ⵉⵥⵖⵔⴰⵏ, ⴷ ⵡⴰⵢⴷⴰ ⴰⵄⵕⴰⴱ ⴷ ⵓⵏⴷⴰⵍⵓⵙⵉ, ⴷ ⵓⵃⵙⵙⴰⵏⵉ, ⴷ ⵡⵉⵏ ⵡⵓⴷⴰⵢⵏ, ⴰⵍⵉⴳ ⴽⴰⵏ ⵉⵊⵊ ⵏ ⵡⵓⴷⵎ ⴰⴷⵍⵙⴰⵏ ⵉⵥⵉⵍⵏ. ⵏⵏⴰ ⵏⵜⵜⴰⴼⴰ ⴳ ⴽⵉⴳⴰⵏ ⵏ ⵜⵙⴳⵯⵉⵏ ⵏ ⵜⴷⵍⵙⴰ ⴷ ⵜⵓⵚⴽⴰ, ⵉⵍⵍⴰⵏ ⴳ ⵜⵎⴷⵉⵏⵉⵏ ⵜⵉⵣⴰⵢⴽⵓⵜⵉⵏ, ⴷ ⵜⵖⵔⵎⵉⵡⵉⵏ ⵜⵉⵣⵏⵜⴰⵕⵉⵏ, ⴷ ⵜⵙⴽⵍⴰ ⵏ ⵉⵎⴳⴰⵢⵏ ⵉⵎⵇⵔⴰⵏⵏ, ⴷ ⵉⵎⴰⵥⴰⵎⵏ, ⴷ ⵉⵎⴷⵢⴰⵣⵏ, ⴷ ⵜⵥⵓⵕⵉⵡⵉⵏ ⵜⵉⵇⴱⵓⵔⵉⵏ, ⴷ ⵜⵎⴰⵢⵏⵓⵜⵉⵏ, ⴷ ⵡⴰⵏⴰⵡⵏ ⵏ ⵓⵥⴰⵡⴰⵏ, ⴷ ⵓⴽⵕⴽⴰⴹ, ⴷ ⵜⵥⵓⵕⵉⵡⵉⵏ ⵜⵉⵎⵥⵕⵉⵜⵉⵏ.
ⵖ ⵓⵙⴰⵜⵉ ⴰ ⵡⴰⵏⵉⵜⵉⵏ, ⵜⵍⴰ ⵜⵕⵉⵕⵉⴹⵜ ⵉⵜⵜⵓⵙⵡⴰⵍⴰⵏ ⵖⵔ ⵜⴷⵍⵙⴰ ⵜⴰⵎⵖⵔⴱⵉⵜ, ⵉⵊⵊ ⵏ ⵡⴰⵣⴰⵍ ⴰⵎⵇⵔⴰⵏ, ⵙ ⵜⵉⵍⴰⵍⵢ ⵏⵏⵉ ⵖⵓⵔⵙ ⵉⵍⵍⴰⵏ ⵃⵓⵎⴰ ⴷ ⵢⵉⵍⵉ ⵓⴽⵛⵛⵓⵎ ⵙⵔ ⵜⴷⵍⵙⴰ ⴷ ⵜⵥⵕⵉⴳⵜ ⵏ ⵜⵓⵎⴰⵢⵉⵏ ⵉⵇⵇⵏ ⵖⵔ ⴳⵉⴽⴰⵏ ⵏ ⵉⴳⵔⴰⵏ ⵏ ⵜⵣⵓⵕⵉⵡⵉⵏ, ⴷ ⵓⴷⵍⵉⵙ, ⴷ ⵡⴰⵢⴷⴰ ( ⴰⵟⵟⴰⵚ ⵏ ⵉⴼⵉⴷⵢⵓⵜⵏ ⵉⵜⵜⵣⵎⵎⴰⵎⵏ ⵉⵏⵎⵓⴳⴳⴰⵔⵏ ⵉⴷⵍⵙⴰⵏⵏ, ⴷⵉⵙⴼⵙⵔⵏ ⵏ ⵓⴷⵍⵉⵙ ⴷ ⵡⴰⵢⴷⴰ ⴰⴷⵍⵙⴰⵏ ⴰⴽⵎⴰⵎ ⴷ ⵓⵔⴽⵎⴰⵎ).
