ⵉⵔⵉⵔⵏ ⵏ ⵡⴰⴷ ⵏⵓⵏ
ⴰⵏⵙⴰ : ⴳⵯⵍⵎⵉⵎ
ⵜⵓⵙⵙⵉⴼⵜ ⵖⴼ ⵓⵏⵎⵓⴳⴳⴰⵔ :
ⵉⴳⴰ ⵡⴰⵢⴷⴰ ⴰⵥⵓⵕⴰⵏ ⴰⵃⵙⵙⴰⵏⵉ ⵉⵊⵊ ⵏ ⵓⵙⴰⴳⵎ ⵙⴳ ⵉⵙⵓⴳⴰⵎⵏ ⵉⴷⵍⵙⴰⵏ ⵉⵙⵜⴰⵡⵀⵎⵎⴰⵏ ⵉ ⵜⴷⵍⵙⴰ ⵜⴰⵎⵖⵔⴰⴱⵉⵜ, ⵙ ⵓⵢⵏⵏⴰ ⴷⵉⴳⵙ ⵉⵍⵍⴰⵏ ⵏ ⵜⴱⵖⵔⵜ ⴷ ⵓⵎⵢⴰⵏⴰⵡⵏ ⴳ ⵜⵍⵖⵉⵡⵉⵏ ⵏⵏⵙ ⴷ ⵡⴰⵏⴰⵡⵏ ⵏⵏⵙ ⵉⵣⵍⴰⵡⵉⵢⵏ ⴷ ⵡⴰⵏⵢⴰⵜⵏ ⵉⵏⴰⵥⵓⵕⵏ. ⴰⵛⴽⵓ ⵜⵙⵙⵏ ⵜⵎⴰⵏⴹⵜ ⵏ ⴳⵯⵍⵎⵉⵎ- ⵡⴰⴷ ⵏⵓⵏ ⴽⵔⴰ ⵏ ⵜⵡⵏⵏⵉⵜⵉⵏ ⵜⵏⴰⵥⵓⵕⵉⵏ ⵉⴳⴳⵓⵜⵏ ⴷ ⵉⴳⴰⵎⵍⵓⵣⵏ ⵏ ⴰⵢⴷⴰ ⴰⵙⴰⵍⴰⵏⵏ, ⵜⵜⵢⴰⵡⵙⵙⵏⵉⵏ ⵙ ⴽⵔⴰⴹ ⵢⵉⵙⵎⴰⵡⵏ, ⴰⵔ ⵜⵜⵓⵢⴰⵏⵏⴰⵏ ⵖⴼ ⵜⵥⵓⵕⵉ ⵏ ⵍⴳⴷⵔⴰ ⴷ ⵍⵀⵔⵎⴰ ⴷ ⵍⴽⵏⴽⴰ, ⵍⵍⵉ ⴳⴰⵏⵉⵏ ⵜⵉⵥⵓⵕⵉⵡⵉⵏ ⵏ ⵓⵕⴽⴰⴹ ⴷ ⵉⵜⵜⴰⵡⵉⵏ ⵖⴼ ⵓⵎⵔⴰⵔⴰ ⵏ ⵓⴼⴳⴰⵏ ⵏ ⵜⵏⵣⵔⵓⴼⵜ ⴰⴽⴷ ⵜⵡⵏⵏⴰⴹⵜ ⵏⵏⵙ ⴷ ⵓⴳⴰⵔⵓ ⵏⵏⵙ ⴷ ⵓⵙⵎⵓⵇⵇⵍ ⵏⵏⵙ ⵉⵥⵍⵉⵏ ⵖⵔ ⵢⵉⵎⴰⵏ ⵏⵏⵙ ⴷ ⵖⵔ ⵓⵎⴰⴹⴰⵍ ⴰⵙ ⵉⵙⵙⵓⵜⵍⵏ.
ⵉⵡⵜⵜⵙ ⵓⵏⵎⵓⴳⴳⴰⵔ ⴰⴷ ⵖⵔ ⵓⵃⵟⵟⵓ ⵏ ⴰⵢⴷⴰ ⴰⴷ ⴰⵃⵙⵙⴰⵏⵉⵢ ⵉⴱⵖⵓⵔⵏ ⵙ ⵉⴼⵔⴷⵉⵙⵏ ⵏⵏⵙ ⵉⵎⵥⴰⵡⴰⵏⵏ ⴷ ⵉⴼⵔⴷⵉⵙⵏ ⵏⵏⵙ ⵉⵣⵍⴰⵡⵉⵢⵏ, ⴷ ⵜⴰⵍⵖⵉⵡⵉⵏ ⵏⵏⵙ ⵖⴼ ⵉⵙⴰⵡⴰⵍ ⵙ ⵜⵡⵍⴰⴼⵉⵏ ⵏⵏⵙ ⵜⵉⴽⵓⵔⵉⴳⵔⴰⴼⵉⵢⵉⵏ. ⵖⵎⴽⵍⵍⵉ ⵉⴳⴰ ⵢⴰⵏ ⵓⵣⵎⵓⵣⵣⵓ ⵏ ⵓⵙⵢⵉⵙⵙⵏ ⵙ ⵡⴰⵏⴰⵡⵏ ⵢⵓⵎⴰ ⵡⴰⵢⴷⴰ ⴰⴷ ⴰⴷⵖⴰⵔⴰⵏ ⴷⵉ ⵜⵎⵏⴰⴹⵜ ⴳⵯⵍⵎⵉⵎ - ⵡⴰⴷⵏⵓⵏ, ⵉⴳ ⴰⵡⴷ ⴰⵙⵓⵍⴼ ⵉ ⵓⵙⴱⵖⵙ ⵏ ⵓⵏⵏⵓⵕⵥⵎ ⵖⴼ ⵖⵉⴼⵙ ⴷ ⵓⵙⵏⵢⵓⴷⴷⵓ ⵏⵏⵙ, ⴷ ⵉⴱⴷⴷⵉ ⵖⴼ ⵉⵏⵓⵎⴰⴽ ⵏⵏⵙ ⴷ ⵜⵎⴰⵜⴰⵔⵉⵏ ⵏⵏⵙ ⴷ ⵜⵓⵏⵏⵙⴰ ⵏ ⵉⴷ ⴱⴰⴱⵉⵏ ⵏⵏⵙ ⴷ ⵓⵙⵙⵎⵖⵔ ⵏⵏⵙⵏ.