ⵙⵙⴳⴳ : ⵜⵓⵔⴰⵔⵜ ⵜⴰⵇⴱⵓⵔⵜ
ⵢⵓⴷⴼ ⵓⴼⵔⴷⵉⵙ ⵏ ⵙⵙⴳⴳ ⵙⴳ ⵡⵓⵔⴰⵔⵏ ⵉⵎⴳⵔⴰⵡⵏ ⵉⵇⴱⵓⵔⵏ ⵉⵜⵜⵢⴰⵙⵙⵏ ⴳ ⵡⴰⵎⵓⵏ ⴰⵃⵙⵙⴰⵏⵉ, ⵏⵏⴰ ⵜⵜⵓⵔⴰⵔⵏⵜ ⵜⵙⴷⵏⴰⵏ ⵙⴰⵍⵡⴰⵏ ⴰⴽⴽⵯ ⵙ ⵓⴷⵔⴰⵡ ⵏ ⵉⵔⴳⴰⵣⵏ. ⴰⵔ ⵜⵙⴽⴰⵏ ⵜⴷⵔⴰⵡⵜ ⵏ ⵜⵎⵟⵟⵓⴹⵜ ⵖ ⵉⴷⵉⵙ ⵏ ⵓⵔⴳⴰⵣ ⴳ ⵜⵓⵔⴰⵔⵜ ⴰⴷ, ⴷ ⵖ ⵉⵏⵙⴰⵢⵏ ⴰⴽⵉⴷⵙ ⵉⵜⵜⵎⵓⵏⵏ, ⵎⵉⵏ ⴰⴽⴽⵯ ⵢⵓⵜⵉⵏ ⴳ ⵜⵖⵓⵔⵔⵎⴰ ⴳ ⵡⴰⵎⵓⵏ ⴰⴷⵖⴰⵔⴰⵏ.
ⴰⵔ ⵉⵜⵜⵉⵍⵉ ⵡⵓⵔⴰⵔ ⵏⴳⵔ ⵙⵏⴰⵜ ⵜⵔⵓⴱⴱⴰ, ⴰⵔ ⵜⵜⵉⵍⵉⵏ ⵙⵉⵏ ⵎⴷⴷⵏ ⵏⵖ ⴽⴽⵓⵥ ⴳ ⴽⵓ ⵜⴰⵔⴰⴱⴱⵓⵜ. ⴽⵓⴷⵏⵏⴰ ⵉⴳⴳⵓⵜ ⵡⵓⵟⵟⵏ ⵏ ⵉⵎⴷⵔⴰⵡⵏ, ⴰⵔ ⵜⵜⴳⴳⵏ ⴰⵎ ⵓⵢⵏⵏⴰ ⵉⵔⵡⴰⵙⵏ ⵜⵉⴼⵕⴹⵜ ⵏ ⵛⵛⵟⵕⴰⵏⵊ, ⵢⵓⵎⴰⵏ ⵚⴹⵉⵚⵜ ⴷ ⵎⵔⴰⵡⵜ ⵏ ⵜⵃⴱⴰⵛ ⵏⵖ ⵓⴳⴳⴰⵔ.
ⵜⴽⴽⴰ ⵜⵜ ⵏⵏ ⵜⵓⵔⴰⵔⵜ ⴰⴷ ⴰⵔ ⵜⵙⴽⴰⵏ ⴰⵣⴷⴰⵢ ⵏ ⵓⴼⴳⴰⵏ ⴰⴽⴷ ⵓⴳⴰⵔⵓ ⵏⵏⵙ ⴰⴳⴰⵎⴰⵏ ⵏⵏⵉ ⴰⵙ ⵢⴰⴽⴽⴰⵏ ⵎⴰⵕⵕⴰ ⵉⴼⵔⴷⵉⵙⵏ ⵙ ⴷ ⵉⵇⵇⴰⵏ ⴰⴷ ⵉⵍⵉⵏ ⵉ ⵜⵓⵔⴰⵔⵜ ⴰⴷ. ⴹⴰⵕⵜ ⵓⵢⵏⵏⴰⵖ, ⵉⵜⵜⵓⵙⵎⴰⵢⵏⵓ ⵙⵙⴳⴳ, ⴳ ⵉⵎⵜⵜⵉⵡⵏ ⴷ ⵉⵎⴰⵙⵙⵏ ⵏ ⵡⵓⵔⴰⵔ, ⴷ ⵉⵙⵏⴼⵍⵏ ⵏⵏⵉ ⵉⵙⵙⵏ ⵡⴰⵎⵓⵏ ⴰⵇⴱⵓⵔ, ⴷ ⵎⵉⵏ ⴷ ⵢⵓⵡⵉ ⵓⵎⵎⴰⵜⵉ ⵣⵣⵖ ⵜⵅⴰⵎⵜ ⵖⵔ ⵜⵎⴷⵉⵏⵜ. ⵙⵎⴰⵏ ⵢⴰ, ⵓⵔ ⵙⵓⵍ ⵉⵇⵇⵉⵎⵉ ⵓⵙⵎⵔⵙ ⵏ ⵉⴳⵉⴷⵓ ⴷ ⵉⴽⵛⵛⵓⴹⵏ ⵏ ⵓⵖⴰⵏⵉⵎ ⴷ ⴽⵔⴰ ⵏ ⵉⴼⵔⴷⵉⵙⵏ ⵏⵏⵉⴹⵏ, ⵢⵓⵖⵓⵍ ⵢⵉⵍⵉ ⵓⵙⵎⵔⵙ ⵏ ⵢⴰⵏ ⵓⴽⵛⵛⵓⴹ ⵉⴳⵣⵉⵏ ⵙ ⵜⴰⵍⵖⵉⵡⵉⵏ ⵜⵉⵎⵙⴷⴰⴳⵉⵏ ⴷ ⵙⵉⵏ ⵉⴽⵛⵛⵓⴹ ⵉⵜⵜⵓⵙⴽⴰⵔⵏ ⵙ ⵜⵖⴰⵔⴰⵙⵜ ⵉⴼⵔⵔⵣⵏ.
ⴷⴰ ⵜⵜⵓⵙⵉⴹⵏⵏⵜ ⵜⵏⵇⵇⴰⴹ ⵙ ⵢⴰⵜ ⵜⵖⴰⵔⴰⵙⵜ ⵜⴰⵎⵉⵖⵉⵙⵜ, ⴽⵓ ⵜⵉⵜⵉ ⵏⵖ ⴰⵥⵕⴰⴹ ⵏ ⵉⴽⵛⵛⴹⵏ ⵏⵖ ⵙⵏⴰⵜ ⵜⴱⵊⵡⵉⵏ ⵉⴳⴰ ⵓⵟⵟⵓⵏ ⵏ ⵜⵏⵇⵇⴰⴹ ⵏⵏⴰ ⵉⵜⵜⵓⵙⵎⵎⴰⵏ ⵙ ⵢⵉⵔⵎⵏ ⵢⴰⵎⵓⵏ ⴳ ⵓⵎⴰⵡⴰⵍ ⵉⵇⵇⵏⵏ ⵙ ⵉⵎⵓⴷⴰⵔ, ⵣⵓⵏ ⴷ : ⵜⴰⴼⵓⵏⴰⵙⵜ, ⵙ ⵜⴰⵎⵜ ⵏ ⵜⵏⵇⵇⴰⴹ, ⴷ ⵓⴱⵟⵟⴰⵏ (ⵉⵍⵎⵏ ⵏ ⵉⵖⵊⴷ ⵉⵜⵜⵓⴷⴱⴰⵖⵏ) ⵙ ⴽⴽⵓⵥⵜ ⵏ ⵜⵏⵇⵇⴰⴹ.
ⴰⵔ ⵉⵜⵜⵢⵓⵔⴰⵔ ⵙⵙⴳⴳ ⵖ ⴽⵔⴰ ⵏ ⵜⵉⵣⵉ ⵏ ⵓⵚⵚⴰⴱ ⴷ ⵜⵎⵙⵉⵣⵡⵔⵜ ⴷ ⵡⵓⵔⴰⵔ. ⵎⵛⵉⵙ ⵉⵜⵜⵎⵓⵏ ⴰⴽⴷ ⵉⵏⵙⴰⵢⵏ ⵏⵏⵉⴹⵏ ⴰⵎ ⵓⵙⵎⵔⵉ ⵏ ⵡⴰⵜⴰⵢ ⴷ ⵢⵉⵔⵉⵔ ⵏ ⵉⵣⵍⴰⵏ ⵉⵃⵙⵙⴰⵏⵉⵢⵏ. ⴰⵔ ⵜⵜⴰⵡⵙⵏ ⵉⵏⵣⵡⵉⵜⵏ ⴰⴷ ⴳ ⵓⵙⴷⵓⵙ ⵏ ⵉⵣⴷⴰⵢⵏ ⵏⴳⵔ ⵉⴳⵎⴰⵎⵏ ⵏ ⵜⴳⵔⴰⵡⵉⵏ ⴰⴷ. ⴰⵔ ⵢⴰⴽⴽⴰ ⵙⵙⴳⴳ ⴰⵍⵜⵓ ⵜⵉⴼⴰⴷⵉⵡⵉⵏ ⵉⵎⵙⴰⵙⴰⵏ ⴰⴽⴷ ⵓⵙⵙⴷⵍⵎⵏ ⵏ ⵉⵎⵥⵥⵢⴰⵏⵏ ⵉⵎⵏⵣⴰⵢⵏ ⵏ ⵡⵓⵔⴰⵔ ⵙ ⵜⴹⴼⵓⵕⵉ ⵏ ⵉⵎⵙⴽⴰⵔⵏ ⵉⵅⴰⵜⴰⵔⵏ, ⴰⵢⵏⵏⴰⵖ ⴰⵢⴷ ⵜⵏ ⵉⵜⵜⴰⵊⵊⴰⵏ ⴰⴷ ⴰⴽⵣⵏ ⵉⵎⵉⴽ ⵙ ⵉⵎⵉⴽ ⵉⵍⴳⴰⵎⵏ ⵏ ⵜⵓⵔⴰⵔⵜ, ⴷ ⵢⵉⵙⵉⵏ ⵏ ⵜⵎⵀⵍⵉⵏ ⵏ ⵓⵙⵉⵟⵟⵏ ⵉⵎⵔⴰⵢⵏ ⵖⵔ ⵉⵇⵇⵏⵏ.