ⵟⵟⴰⵕⴰⴱ ⴰⵡⵏⴷⴰⵍⵓⵙⵉ
ⴰⴷⵖⴰⵔ : ⴰⵏⵙⴰ ⵏ ⵜⵖⵔⵎⵜ ⵜⴰⴷⵔⵣⴰⵏⵜ ⴷⵉ ⵛⴼⵛⴰⵡⵏ
ⵜⵓⵙⵙⵉⴼⵜ ⵖⴼ ⵓⵏⵎⵓⴳⴳⴰⵔ :
ⵜⵓⵎⴰⵏ ⴷ ⵜⵥⵓⵕⵉ ⵜⴰⵏⴷⴰⵍⵓⵙⵉⵜ ⴷⵉ ⵍⵎⵖⵔⵉⴱ ⵙⴰⵍⴰⵡⴰⵏ ⵜⵜ ⴰⴽⴽⵯ , ⴷ ⴳ ⵍⵎⵖⵔⵉⴱ ⴰⵎⵇⵇⵔⴰⵏ ⵙ ⵓⵎⴰⵜⴰ, ⴰⴽⴷ ⵜⵉⵣⵡⵓⵔⵉ ⵏ ⵉⵣⵡⴰⴳⵏ ⴰⵄⵔⴰⴱⵏ ⵙⴳ ⵜⵎⵉⵣⴰⵔ ⵏ ⵍⴰⵏⴷⴰⵍⵓⵙ, ⴷⴼⴼⵔ ⵎⵉⵏ ⵜⵓⴹⴰ ⵙ ⵉⵎⵏⵖⴰⵏ ⵉⵚⴰⵍⵉⴱⵉⵢⵏ ⵍⵍⵉ ⵙⵙⴽⵔⵏ ⵉⵎⴰⵙⵉⵃⵉⵢⵏ ⵖⴼ ⵉⵏⵙⵍⵎⵏ. ⴰⵡⵉⵏ ⴷ ⴰⴽⵉⴷⵙⵏ ⴰⵏⴰⵡ ⵏ ⵡⵓⵔⴰⵔ ⵉⵜⵜⵓⵥⵍⴰⵢⵏⵙ ⵡⴰⵏⵢⴰⵜⵏ ⴷ ⵜⵎⴷⵢⴰⵣⵉⵏ ⵉⵏⴳⴹⵏ ⴳ ⵓⴼⵓⵍⵉ ⵏ ⵉⵏⵓⵎⴰⴽ ⵉⵜⵜⵓⵔⴰⵔⵏ ⵙ ⵜⴳⴰⵎⴰ ⵜⴰⵏⴷⴰⵍⵓⵙⵉⵜ ⴷ ⵓⵙⵏⵓⵎⵍ ⵏ ⵢⵉⴹⴰⵏ ⵏⵏⵙⴷ ⵉⵙⵇⵇⵉⵎⵏ ⵏⵏⵙ. ⴷ ⵜⵎⴷⵢⴰⵣⵉⵏ ⵏ ⵓⵙⵡⵉⵏⴳⵎ ⵉⴽⵜⴰⵔⵏ ⵙ ⴱⴰⴹⴰⴹ ⴷ ⵜⵖⵓⴼⵉ ⴷ ⵜⴳⵓⴹⵉ ⴷ ⵢⵉⵍⵖ ⵏ ⵡⵓⵙⵙⴰⵏ ⵊⵍⴰⵏⵉⵏ, ⴷ ⵜⵎⴷⵢⴰⵣⵉⵏ ⴳ ⵜⴰⵢⵔⵉ ⴷ ⵓⴽⵜⵜⵓⵢ ⵏ ⵜⴰⵢⵎⴰⵜ ⴷ ⵓⵙⵏⵓⵎⵍ ⵏ ⵉⵏⴳⴰⵥⵏ ⵏ ⴱⴰⴹⴰⴹ ⴷ ⵓⵎⴰⵔⴳ ⵏ ⵜⵎⵉⵣⴰⵔ ⵏⵖ ⵡⵉⵏ ⵜⵎⴰⵔⴰⵢⵜ, ⴱⵍⴰ ⵜⵉⵎⴷⵢⴰⵣⵉⵏ ⴳ ⴽⴽⴰⵜⵏ ⵢⵉⵎⴰⵏ ⵍⵍⵉⵖ ⴼ ⵜⵙⵙⵓⵜⵍ ⵜⴼⵔⵉⵙⵔⵜⵜⴰⵙⴳⴷⴰⵏⵜ ⵣⵓⵏ ⴷ ⵜⵓⵍⵖⵉⵡⵉⵏ ⵜⵉⵏⴰⴱⴰⵡⵢⵉⵏ ⴷ ⵜⵡⴰⵜⵔⵉⵡⵉⵏ ⴷ ⵉⵣⵍⴰⵏ ⵉⵚⵓⴼⵉⵢⵏ.
ⵉⵅⵙ ⵓⵏⵎⵓⴳⴳⴰⵔ ⴰⴷ ⴰⴷ ⵉⵙⵙⵉⴽⵣ ⵜⴰⵖⵔⵎⴰ ⵏ ⵛⴼⵛⴰⵡⵏ, ⴷ ⴰⵎⵎⴰⵙ ⴰⴷⵙⵍⴰⵏ ⵉⴼⵔⴳⵏ ⵖⴼ ⵡⴰⵢⴷⴰ ⴰⴷ ⴰⵏⴷⴰⵍⵓⵙⵉ ⴰⵎⵖⵔⴰⴱⵉⵢ ⵙ ⵉⴼⵔⵓⵔⵉⵏ ⵏⵏⵙ. ⵎⵉⵏⵣⵉ ⵙⵓⵍⵏ ⵉⵎⴷⵢⴰⵣⵏ ⴷ ⵉⵎⵣⴼⵣⴼⵏ ⵏ ⵜⵥⵓⵕⵉ ⴰⴷ ⵙ ⵜⵎⵍⵙⴰ ⵏⵏⵙⵏ ⵏ ⵜⵊⵍⵍⴰⴱⵉⵜ ⴷ ⵜⵕⴱⴱⴰⴹⵜ ⴷ ⵉⴽⵓⵔⴱⵉⵏ, ⵃⴹⴰⵏ ⵜⵉⵎⵍⵙⵉⵜ ⵜⴰⵎⵖⵔⴰⴱⵉⵜ ⵜⴰⵏⵚⵍⵉⵜ, ⴷ ⵉⵊⵊ ⵏ ⵡⵓⴷⵎ ⴰⴷⵙⵍⴰⵏ ⵏ ⵓⵙⴽⴰⵏ ⴰⵎⵥⴰⵡⴰⵏ.
ⵉⴳⴰ ⵓⵏⵎⵓⴳⴳⴰⵔ ⴰⴷ ⴰⵙⵓⵍⴼ ⵉⵙⵜⴰⵡⵀⵎⵎⴰⵏ ⵉ ⵢⵉⵏⴼ ⵏ ⵜⴼⵍⵡⵉⵏ ⵣⵣⴰⵜ ⵓⴳⴷⵓⴷ ⵉⵜⵜⵅⵙⵏ ⴰⵏⴰⵡ ⴰⴷ ⵏ ⵡⴰⵢⴷⴰ, ⵍⵍⵉ ⵖⴼ ⵜⵜⵎⵜⴰⵜⵏ ⵉⵎⵓⵙⵏⴰⵡⵏ ⴷ ⵉⵔⴳⴰⵣⵏ ⵏ ⵓⵙⴳⴷ ⴷ ⵉⵅⴰⵜⴰⵔⵏ ⵏ ⵓⵣⵎⵣ ⵏⵏⵙⵏ, ⴷ ⵓⵙⵏⵎⵉⵍⴰ ⵏⵏⵙ ⵖⵔ ⵉⵙⵎⵉⵍⵏ ⵏ ⵉⵄⵔⵔⵉⵎⵏ ⵃⵎⴰ ⴰⴷ ⵜⵜⵓⵙⴱⵖⵙⵏ ⴰⴷ ⵏⵏⴰⵕⵥⵎⵏ ⵏⵏⵙ ⵖⴼ ⵜⵥⵓⵕⵉⵡⵉⵏ ⵏⵏⵙ ⴷ ⵉⴽⵯⵍⴰⵏ ⵏⵏⵙ ⵏ ⵜⵉⵜⵉ ⴷ ⵡⵓⵔⴰⵔ, ⵙ ⵉⵏⵎⵓⴳⴳⴰⵔⵏ ⴷ ⵉⵎⵛⴰⵍⴰⵜⵏ ⵉⵏⴰⵥⵓⵕⵏ ⵖⵎⴽⵍⵍⵉ ⵉⴳⴰ ⵉⵊⵊ ⵏ ⵓⵣⵎⵓⵣⵣⵓ ⴰⵙⴼⵓⴳⵍⴰⵏ ⵉ ⵓⵙⵙⵎⵖⵓⵔ ⵏ ⵉⵎⵉⵖⵉⵙⵏ ⵏⵏⵙ ⴷ ⵉⵎⵇⵇⵔⴰⵏⵏ ⵏ ⵜⵥⵓⵕⵉ ⴰⴷ ⵜⴰⵏⴷⴰⵍⵓⵙⵉⵜ ⵜⴰⵏⵚⵍⵉⵜ.