ⵟⵟⴰⵕⴰⴱ ⴰⵡⵖⵕⵏⴰⵟⵢ
ⴰⵏⵙⴰ : ⵓⵊⴷⴰ
ⵜⵓⵙⵙⵉⴼⵜ ⵖⴼ ⵓⵏⵎⵓⴳⴳⴰⵔ :
ⴷⴰ ⵉⵙⴼⵓⴳⵍⵓ ⵓⵏⵎⵓⴳⴰⵔ ⴰⴷ ⵙ ⵢⵉⵊⵊⵜ ⵙⴳ ⵜⵥⵓⵕⵉⵡⵉⵏ ⵜⵉⵏⴷⴰⵍⵓⵙⵉⵢⵏ ⵜⵉⵏⵚⵍⵉⵢⵏ, ⵍⵍⵉ ⵉⴳⴰⵏ ⵜⴰⵥⵓⵔⵉ ⵜⴰⵖⵕⵏⴰⵟⵉⵢⵜ ⵏⵏⵉ ⵓⵜⵜⵓⵙⵎⵔⴰⵙⵏ ⵖ ⵉⴷⵉⵙ ⵏ ⵜⵥⵓⵕⵉ ⵏ ⵟⵟⴰⵕⴱ ⴰⵏⴷⴰⵍⵓⵙⵉⵢ, ⵖⴼ ⵢⵉⵔⵉⵎ ⵏ ⵜⵡⴰⵍⴰ ⴷ ⵜⵓⴳⵜⵜ ⵏ ⵢⵉⵔⵉⵎⵏ ⵉⵎⵥⴰⵡⴰⵏⵏ ⵉⵜⵜⵢⴰⵡⴰⵙⵙⴰⵏ ⴳ ⵓⵥⴰⵡⴰⵏ ⴰⵏⴷⴰⵍⵓⵙⵉⵢ ⵉⵜⵜⵡⴰⵙⵙⵏ ⴳ ⵍⵎⵖⵔⵉⴱ, ⵏⵓⵎⴰⵕ ⴳ ⵜⵎⴷⵉⵏⵉⵏ ⵜⵉⵇⴱⵓⵔⵉⵏ ⵣⵓⵏ ⴷ ⴼⴰⵙ, ⴷ ⵓⵊⴷⴰ. ⴰⵔ ⵉⵜⵜⴰⵖⵓⵍ ⵓⵥⵓⵕ ⵏ ⵏ ⵜⵥⵓⵕⵉ ⴰⴷ ⵙ ⵜⵖⵔⵎⴰ ⵜⴰⵏⴷⴰⵍⵓⵙⵉⵜ, ⵎⵉⵏⵣⵉ ⴽⴽⴰⵏ ⵜⵜ ⵏⵏ ⵉⵖⵔⵎⴰⵏ ⵉⵎⵇⵇⵔⴰⵏ ⴳ ⵜⵙⵓⵜⴰ ⵜⵉⵙ ⵙⵉⵏⵎⵔⴰⵡⵜ ⴷ ⵢⴰⵏ, ⵍⴰ ⵜⵜⵎⵣⵉⵣⵣⵉⵍⵏⵜ ⵏⴳⵔⴰⵙⵏⵜ ⴳ ⵎⵉⵏ ⵖⴰ ⵉⵙⵏⴽⴷⵏ ⵎⴰ ⵢⵓⴼⵏ ⵙⴳ ⵉⵙⵍⵍⵡⵉⵜⵏ ⵉⵥⵓⵕⴰⵏⵏ ⴳ ⵡⴰⵏⵢⴰ ⴷ ⵉⵣⵍⵉ. ⵜⴻⵜⵜⵢⴰⵡⵙⵙⴰⵏ ⵜⵎⴷⵉⵏⵜ ⵏ ⵇⵓⵕⵟⵓⴱⴰ ⴷ ⵉⵛⴱⵉⵍⵢⴰ ⵎⴰⵙ ⴷ ⵏⵉⵜⵏⵜⵉ ⴰⵢⴷ ⵉⴳⴰⵏ ⴰⵙⵎⵖⵉ ⵎⴰ ⵢⵓⴼⵏ ⵙⴳ ⵜⵥⵓⵕⵉ ⴰⴷ ⵜⴰⵏⵚⵍⵉⵜ. ⵎⴰ ⵔⴰⴷ ⴰⴷ ⵉⵎⵎⴰⵜⵉ ⴷⴼⵔ ⵎⴰⵏ, ⴰⵢⵏⵏⵉ ⵙ ⵉⵡⴰⵏⴽⵏ ⵏ ⵉⵎⵖⵔⴰⴱⵉⵢⵏ, ⴹⴰⵕⵜ ⵏ ⵓⵣⵡⴰⴳ ⴰⵎⵙⵡⵉⵏⴳⵎ ⵏ ⵡⴰⵄⵔⴰⴱⵏ ⵙⴳ ⵍⴰⵏⴷⴰⵍⵓⵙ, ⴷ ⵡⵓⴼⵓⵖ ⵏ ⴱⴰⵏⵉ ⵍⴰⵃⵎⴰⵕ ⵙⴳ ⵡⴰⵏⵙⴰ ⴰⵎⴳⴳⴰⵔⵓ ⵏ ⵉⵏⵙⵍⵎⴰⵏ ⴳ ⵖⵕⵏⴰⵟⴰ. ⵜⴻⵜⵜⵓⵥⵍⴰⵢ ⵜⵥⵓⵕⵉ ⴰⴷ ⵙ ⵜⴱⵖⵔⵜ ⴷ ⵓⵎⵢⴰⵏⴰⵡ ⴳ ⵡⴰⵏⵢⴰⵜⵏ ⵏⵏⵙ ⵓⵍⴰ ⵉⵙⵏⵜⴰⵍ ⵏⵏⵙ ⵉⵣⵍⴰⵡⵉⵢⵏ ⴳⴰⵏⵉⵏ ⵉⵍⵖ ⴷ ⵜⵙⴰⴹⵕⵏⵜ ⴷ ⵜⵎⴷⵢⴰⵣⵉⵏ ⵏ ⵜⵖⵓⴷⵉ ⵏ ⵜⵎⵉⵣⴰⵔ ⴷ ⵜⴳⵓⴹⵉ ⵖⵉⴼⵙⵏⵜ, ⴷ ⵡⵓⵔⴰⵔ ⵖⴼ ⵜⴳⴰⵎⴰ ⴷ ⵜⴰⵢⵔⵉ ⵏ ⵜⵎⵟⵟⵓⴹⵜ ⴷ ⵉⵙⴽⴽⵉⵏ ⵢⴰⴹⵏⵉⵏ.
ⵉⵙⵡⵜⵜⵙ ⵓⵏⵎⵓⴳⴳⴰⵔ ⴰⴷ ⵖⵔ ⵓⵙⴷⵓⵙ ⵏ ⵢⵉⵍⵉ ⵏ ⴰⵢⴷⴰ ⴰⴷ ⴰⵥⵓⵕⴰⵏ ⴰⵏⵚⵍⵉⵢ ⵉⵖⵓⴷⴰⵏ ⴳ ⵓⵎⵥⵕⵉ ⴰⵥⵓⵕⴰⵏ ⴰⵏⴰⵎⵓⵔ ⴷ ⵓⵎⴰⴹⵍⴰⵏ, ⴷ ⵓⴼⵔⴰⴳ ⵖⵉⴼⵙ ⴷ ⵡⴰⵔⴰⵢ ⵏⵏⵙ ⵙⴳ ⵓⵏⵏⴳⵣⵓ ⴷ ⵓⵙⴱⵖⵙ ⵏ ⵜⵔⴰⵎⵙⵓⵜⵉⵏ ⵜⵉⵄⵔⵔⵉⵍⵉⵏ ⴰⴷ ⵖⵔⵙ ⵔⴰⵔⵏ ⵜⴰⵖⴹⴼⵜ ⵓⵎⵓⵏ ⴳ ⵜⵎⵣⵉⵣⵣⵍⵉⵏ ⵏ ⵡⵓⵔⴰⵔ ⴷ ⵓⵣⴼⵣⴼ ⴷ ⵉⵙⵉⴽⵍⵏ ⵢⴰⵎⵓⵏ ⴳ ⵉⵎⵓⴳⴳⴰⵔⵏ ⵏⵏⵙ, ⴷ ⵜⴰⵡⵉ ⵜⵜ ⴳ ⵓⵍⵎⵎⵓⴷ ⵏⵏⵙ ⴳ ⵉⵙⵉⵏⴰⴳⵏ ⵏ ⵓⵥⴰⵡⴰⵏ ⴰⵏⴰⵎⵓⵔ, ⵜⵜⴰⴼ ⴰⴷ ⴳⵏ ⵉⵎⵙⵇⴰⴷⴷⵏ ⵉ ⵜⵥⵓⵕⵉ ⴰⴷ ⴳ ⵍⵎⵖⵔⵉⴱ ⴷ ⴱⵕⵕⴰ ⵏⵏⵙ.