ⵉⴷⵇⵇⵉ ⴰⵙⴷⵏⴰⵏ ⴳ ⵜⵎⵏⴰⴹⵜ ⵏ ⴰⵔⵔⵉⴼ
ⵏⵏⵙ ⴷ ⵓⵃⵟⵟⵓ ⵏⵏⵙ, ⵓⵍⴰ ⴽⵔⴰ ⵏ ⵉⵔⵓⴽⵓⵜⵏ ⵉⵇⵇⵏⵏ ⵖⵔ ⵓⵙⵛⵏⵓ ⵏ ⵜⴰⴷⴷⴰⵔⵜ, ⵣⵓⵏ ⴷ ⵜⵉⵍⵓⴽⴰ ⴷ ⵜⵎⴱⵅⵅⵔⵉⵏ ⴷ ⴽⵔⴰ ⵏⵏⵉⴹⵏ.
ⵜⵣⵔⵔⵉ ⵜⵎⴳⵓⵔⵉ ⵏ ⵉⴷⵇⵇⵉ ⴷⵉ ⵡⴰⵟⵟⴰⵚ ⵏ ⵜⴼⵔⴽⵉⵡⵉⵏ ⵉⵙⵙⵓⵜⵓⵔⵏ ⴰⵟⵟⴰⵚ ⵏ ⵜⵙⵏⵉⴳⵉⵏ ⴷ ⵜⵎⵓⵣⴰⵢ. ⴰⵔ ⵜⴻⵜⵜⵔⴰⵔⴰ ⵜⵎⵟⵟⵓⴹⵟ ⵙⴳ ⵜⵉⵣⵡⵓⵔⵉ ⵜⴰⵖⴹⵜ ⵉ ⵓⵙⵜⴰⵢ ⵏ ⵡⴰⵍⵓⴹ ⴷ ⵢⵓⵙⴰⵏ ⵏⵏⵉ ⵉⵜⵜⵢⴰⵙⵙⵏ ⵙ ⵉⴷⵇⵇⵉ ⴷⵉ ⵜⵎⵏⴰⴹⵜ, ⵎⵉⵏⵣⵉ ⴷⴰ ⵜ ⵜⵜⵏⵖⴰⴷ, ⵜⵙⵙⵉⴼ ⵜ, ⵜⵔⵡⵉ ⵜ ⴰⴽⴷ ⵡⴰⵎⴰⵏ ⵃⵎⴰ ⴰⴷ ⵉⴳⴳ ⴰⵍⵓⴹ ⵉⵍⴳⴳⵯⴰⵖⵏ, ⴰⵔ ⴰⵙ ⵜⵔⵏⵏⵓ ⴰⴼⵔⵓⵔ, ⵉⴳⴰⵏ ⵉⴼⵔⵓⵔⵉⵏ ⵏ ⵉⵔⵓⴽⵓⵜⵏ ⵉⵇⴱⵓⵔⵏ ⵉⵕⵥⴰⵏ. ⴰⵔ ⵜⴻⵜⵜⴰⵡⵙ ⵜⵎⵙⴽⵉⵔⵜ ⵙ ⵉⵎⴰⵙⵙⵏ ⵉⵎⵢⴰⵏⴰⵡⵏ ⴰⵎ ⵓⵣⵔⴳ ⵏⵉⵖ ⵜⴰⵙⵉⵔⵜ ⵏ ⵓⵥⵕⵓ ⴷ ⵓⵙⴼⴹⵉⵚ ⴷ ⵜⴼⵔⴷⵓⵜ ⵃⵎⴰⴷ ⴰⴷ ⵉⵜⵜⵓⵎⵣⴰⵢ ⵓⴼⵔⵓⵔ. ⵜⵜⴰⴼ ⴰⴷ ⵉⵛⵍⵉⵍⴼ ⵡⵓⴷⵎ ⵏ ⴱⵕⵕⴰ ⵉ ⵓⵔⵓⴽⵓ, ⴰⵔ ⵜⴻⵜⵜⵓⵙⵎⴰⵔⴰⵙ ⵢⵉⵊⵊⵜ ⵏ ⵜⴼⵍⵡⵉⵜ ⵏ ⵓⴽⵛⵛⵉⴹ ⵉⵎⵥⵥⵉⵢⵏ ⵟⴰⵏⵊⴱⵓⵟ ⴷ ⵢⵉⵊⵊ ⵏ ⵓⵥⵕⵓ ⵉⵛⵍⵓⵍⴼⵏ. ⴷⴼⴼⵔ ⵎⵉⵏ ⵜⴻⵜⵜⵓⵚⴽⴰ ⵜⵍⵖⴰ ⵏ ⵉⵔⵓⴽⵓⵜⵏ ⵏ ⵉⴷⵇⵇⵉ, ⴰⵔ ⵜⵜⵓⴼⵙⴰⵔⵏ ⴳ ⵜⴰⴼⵓⵢⵜ ⴰⴼⴰⴷ ⴰⴷ ⵣⵡⵓⵏ ⵣⵣⴰⵜ ⵎⴰ ⵖⴰ ⵜⵜⵓⴳⵏ ⴳ ⵓⴼⵕⵕⴰⵏ. ⴰⵔ ⵜⵏ ⵜⵙⵙⵛⵏⵓ ⵜⵎⵟⵟⵓⴹⵜ ⵙ ⵡⵓⵏⵓⵖⵏ ⵉⵟⵟⴼⵏ ⵜⴰⵍⵖⵉⵡⵉⵏ ⵜⵉⵎⵙⴷⴰⴳⵉⵏ, ⵙ ⵓⵙⵎⵔⵙ ⵏ ⵓⵥⵕⵓ ⴰⴱⵔⴽⴰⵏ ⴰⵙⴱⵓ ⵏⵉⵖ ⵙ ⵉⵥⵎⵉ ⵏ ⵡⴰⴼⵔⵉⵡⵏ ⵏ ⵏ ⵓⵙⴽⵍⵓ ⵏ ⴼⴹⵉⵚ. ⵜⵙⵙⵏⵡ ⴰⵍⵜⵓ ⵉⴷⵇⵇⵉ ⵉⵜⵜⵓⵙⵓⵏⵖⵏ ⴰⴳⵯⵏⵙ ⵏ ⵓⴼⵕⵕⴰⵏ ⵜⵉⴽⴽⵍⵜ ⵜⵉⵙⵏ ⵙⵏⴰⵜ.
ⵜⴳⴰ ⵜⵎⴳⵓⵔⵉ ⵏ ⵉⴷⵇⵇⵉ ⴳ ⴰⵔⵔⵉⴼ ⵜⵉⵎⵙⴽⵉⵔⵜ ⵏ ⵜⵙⴷⵏⴰⵏ ⵙ ⵓⵎⴰⵜⴰ, ⵜⴻⵜⵜⵓⴽⵓⵙⴰ ⵣⵉ ⵜⵙⵓⵜⴰ ⵖⵔ ⵜⵙⵓⵜⴰ ⵊⴰⵊ ⵏ ⵜⵡⵛⵓⵏⵉⵏ ⴷ ⵜⴰⵡⵊⵉⵡⵉⵏ, ⴰⵍⴰⵎⵉ ⴷ ⵓⵎⴰⵏⵏⵜ ⵜⵉⴳⴳⵉⵔⴰ ⴷ ⵜⵎⵢⴰⵡⴰⵙⵉⵏ ⵉⴽⴽⴰⵜⵏ ⵖⴼ ⵡⴰⴷ ⵔⵏⵓⵏⵜ ⵉⵎⵅⵓⵎⴱⴰⵔ ⵉⵜⴱⴷⴷⵉⵏ ⵣⵣⴰⵜ ⵓⵣⵏⵣⵉ ⵏ ⵉⵢⴰⴼⵓⵜⵏ ⴷ ⵓⵙⵖⵓⴷⵓ ⵏ ⵡⴰⴷⴰⴼ ⵏ ⵜⵎⵙⴽⵉⵔⵉⵏ ⴷ ⵡⴰⴷⴷⴰⴷⵏ ⵏ ⵜⵡⵓⵔⵉ ⵏⵏⵙⵏⵜ, ⴰⴽⴷ ⵜⵡⵉⵣⵉ ⴷⵉ ⵓⵃⵟⵟⵓ ⵖⴼ ⵓⴼⵔⴷⵉⵙ ⴰⴷ ⴷ ⵓⵙⴱⵖⵙ ⵏ ⵜⵃⵏⵊⵉⵔⵉⵏ ⴳ ⵓⵍⵎⵎⵓⴷ ⵏⵏⵙ.