ⴰⵎⵎⴰⵙ ⴰⴷⵍⵙⴰⵏ ⵏ ⵓⵥⵕⵓ
ⵉⴳⴰ ⵡⴰⵎⵎⴰⵙ ⵏ ⵓⵙⵢⵉⵙⵙⵏ ⵙ ⵡⴰⵢⴷⴰ ⵏ ⵡⴰⵟⵍⴰⵚ ⴰⵏⴰⵎⵎⴰⵙ ⵉⵛⵜ ⵏ ⵜⵎⵔⵙⵍⵜ ⵜⴰⴷⵍⵙⴰⵏⵜ ⵏ ⵡⴰⴷⴰⵙ ⴰⵡⵜⵜⴰⵙ ⵏⵏⵙ ⴰⴷ ⴷ ⵉⵙⴱⵏⵏⴷ ⵜⴰⴱⵖⵔⵜ ⵏ ⵡⴰⵢⴷⴰ ⴷ ⵜⵓⵥⵍⴰⵢⵉⵏ ⵜⵉⵙⵓⵙⵢⴷⵍⵙⴰⵏⵉⵏ ⵏ ⵜⵎⵏⴰⴹⵜ ⵏ ⵡⴰⵟⵍⴰⵚ ⴰⵏⴰⵎⵎⴰⵙ. ⴰⵎ ⵓⵙⴰⵢⵔⴰⵔ ⵏ ⵜⵏⴳⵔⵜ ⵜⴰⴷⵍⵙⴰⵏⵜ ⵉⵅⵙⵏ ⵙⴳ ⵜⵎⵜⵜⴰ ⵍⵍⵉ ⵉⵙⵏⴽⴰⴷ ⴷ ⵜⵉⵍⴰⵍ ⵍⵍⵉ ⵉⵙⵏⵎⴰⵍⴰ ⴰⵙⵙⵉⵜⴳ ⵏ ⵡⴰⵢⴷⴰ ⴰⴷⵖⴰⵔⴰⵏ ⵎⴰ ⵔⴰⴷ ⴰⴷ ⵢⵉⵍⵉ ⴳ ⵓⵙⵡⵓⵔⵉ ⵏ ⵡⴰⵎⵓⵏ ⴷ ⵓⵙⴱⵓⵖⵍⵓ ⵏⵏⵙ. ⵙ ⵍⴼⴰⵢⵜ ⵏ ⵜⵎⵔⵙⵍⵜ ⴰⴷ, ⵉⴷⵡⵍ ⵡⴰⵟⵍⴰⵚ ⴰⵏⴰⵎⵎⴰⵙ ⵉⵍⴰ ⵢⴰⵜ ⵜⵓⵚⴽⴰ ⵉⵖⵓⴷⴰⵏ ⵎⵉ ⵉⴳ ⵓⵡⵜⵜⴰⵙ ⵏⵏⵙ ⴰⴷ ⵜⵙⵢⵉⵙⵙⵏ ⵙ ⵜⵉⵏⴷⵉⵜⵉⵏ ⵏ ⵡⴰⵢⴷⴰ ⴰⴳⴰⵎⴰⵏ ⴷ ⵓⴷⵍⵙⴰⵏ ⵏ ⵜⵎⵏⴰⴹⵜ ⴷ ⵓⵙⵎⵏⵉⴷ ⵏ ⵇⵇⴰⵃ ⴰⵎⵎⴰⴽⵏ ⵉ ⵓⵔⵎⴰⵙ ⵏⵏⵙ. ⴰⵔ ⵉⵙⵔⵓⵙ ⵡⴰⵎⵎⴰⵙ ⵏ ⵓⵙⵢⵉⵙⵙⵏ ⵙ ⵡⴰⵢⴷⴰ ⵏ ⵡⴰⵟⵍⴰⵚ ⴰⵏⴰⵎⵎⴰⵙ ⵣⵣⴰⵜ ⵓⴳⴷⵓⴷ ⵉⵊⵊ ⵏ ⵓⵙⴼⵙⵔ ⴰⵙⵓⵍⴰⵏ ⵢⵓⵎⴰⵏⵏ ⴽⵔⴹⴰⵜ ⵏ ⵜⴷⴰⵍⵉⵡⵉⵏ.
ⵜⴰⴷⴰⵍⴰ ⵏ ⵓⵙⴼⵙⵔ 1 : ⴰⵢⴷⴰ ⴰⴳⴰⵎⴰⵏ
ⴳ ⵜⴷⴰⵍⴰ ⵓⵟⵟⵓⵏ 1 ⵜⵜⵓⴼⵙⴰⵔⵏ ⵉⴳⵣⵣⵓⵎⵏ ⵏ ⵉⵎⵖⵓⵣⵏ ⴷ ⵉⵏⴱⵛⵏ ⴷ ⵉⵥⵕⴰⵏ ⴷ ⵉⴼⵔⴰⵡⵏ ⵏ ⵉⵙⴽⵯⵍⴰ. ⴰⵔ ⵏⵜⵜⴰⴼⴰ ⵣⵓⵏ ⴷ ⵍⴽⵓⵕⴰⵜⵣ ⴷ ⵙⵙⴼⴰⵍⵉⵔⵉⵜ ⵏⵏⵉ ⵉⵜⵜⴰⵖⵓⵍⵏ ⵖⵔ ⵜⵉⵣⵉ ⵜⴰⵊⵢⵓⵍⵓⵊⵉⵜ ⵜⴰⵎⵣⵡⴰⵔⵓⵜ ⴷ ⵍⴰⵔⵊⵓⵏⵉⵜ ⵜⴰⵜⵔⵢⴰⵙⵉⵜ ⴷ ⵍⴱⵔⵉⵜⵉⵏ ⵏ ⵓⵣⵎⵣ ⴰⵊⵓⵕⴰⵙⵉⵢ ⵓⵍⴰ ⴰⵡⴷ ⴰⵎⵓⵏⵉⵜ ⵏ ⵓⵣⵎⵣ ⵏ ⵓⵏⴳⵎⵉⵔⵙ ⴰⵏⴼⵍⵍⴰ.
ⵎⵛⵉⵙ ⵜⵓⵎⴰ ⵜⴷⴰⵍⴰ ⴰⴷ ⵉⵎⵖⴰⵢⵏ ⵏ ⵜⵓⵊⵊⵓⵜ ⴷ ⵉⵙⴰⴼⴰⵔⵏ ⵏⵏⵉ ⴷ ⵉⵜⵜⵎⵖⴰⵢⵏ ⴳ ⵜⵎⵏⴰⴹⵜ ⵣⵓⵏ ⴷ ⴰⵣⵓⴽⵏⵏⵉ ⴷ ⵉⵣⵔⵢ ⴷ ⵃⵔⵇⵙⵓⵙ.
ⴰⴼⴰⴷ ⴰⴷ ⵉⴱⵓⵖⵍⵓ ⵡⵓⵜⵓⵢ ⴳ ⵜⵙⵏⵏⵉⵖⵜ, ⵜⵜⵡⴰⵔⵏⴰⵏⵜ ⴽⵔⴰ ⵏ ⵜⴼⵍⵡⵉⵏ ⵉⵙⵎⵏⵉⴷⵏ ⵉⵙⴼⴽⴰ ⵉⵎⵢⴰⵏⴰⵡⵏ ⵖⴼ ⵜⵊⵢⵓⵍⵓⵊⵉⵜ ⵏ ⵜⵎⵏⴰⴹⵜ ⴷ ⵉⵙⵓⴳⴰⵎ ⵏⵏⵙ ⵏ ⵡⴰⵎⴰⵏ ⴷ ⵉⵎⵖⴰⵢⵏ ⵏⵏⵙ ⴷ ⵡⵓⵔⵜⴰⵏ ⵏⵏⵙ ⴷ ⵜⵜⵉⵇⵏⵉⵢⵉⵏ ⵏ ⵓⵣⴷⵓⵖ ⴰⵇⴱⵓⵔ. ⵓⵍⴰ ⵢⴰⵏ ⵙⵏⴰⵜ ⵜⴼⵍⵡⵉⵏ ⵉⵙⵙⴼⵔⴰⴽⵏ ⵖⴼ ⵓⵎⵔⵙⵉ ⵏ ⵓⴼⵔⵓⵔⵢ ⵏ ⵜⵓⵚⴽⴰ ⵜⴰⵏⴰⴷⴷⴰⵢⵜ ⵏ ⵜⴰⴳⴰⵏⵜ ⴷ ⵎⴰⵙ ⵉⴳⴰ ⵓⵏⴳⵔⴰⵡ ⴰⴽⵓⵍⵓⵊⵉⵢ ⴷ ⵓⵙⴷⴷⵓⵍ ⵏ ⵡⴰⵎⴰⵏ ⵉⵙⵓⴳⴰⵎ ⵏ ⵜⵓⴷⵔⵜ.
ⵜⴰⴷⴰⵍⴰ ⵜⵉⵙ 2 : ⴰⵢⴷⴰ ⴰⴷⵍⵙⴰⵏ ⴰⵔⴰⴽⵎⴰⵎ
ⵜⴻⵜⵜⵓⵥⵍⴰⵢ ⵜⴷⴰⵍⴰ ⵏ ⵓⵙⴼⵙⵔ ⵓⵟⵟⵓⵏ 2 ⵉ ⵡⴰⵢⴷⴰ ⴰⴷⵍⵙⴰⵏ ⴰⵔⴰⴽⵎⴰⵎ, ⴷ ⵜⴰⵣⵣⵓⵍⵉⵏ ⴷ ⵜⵥⵓⵕⵉⵡⵉⵏ ⵜⵉⵇⴱⵓⵔⵉⵏ ⴳ ⵜⵎⵏⴰⴹⵜ. ⵜⵓⵎⴰ ⵓⵙⴼⵙⵔ ⵜⵉⵣⵓⵣⴰⴼ ⴷ ⵜⵎⵍⵙⴰ ⵜⵉⵇⴱⵓⵔⵉⵏ ⵏ ⵓⵔⴳⴰⵣ ⴷ ⵜⵎⵟⵟⵓⴹⵜ ⴷ ⵉⴷ ⴱⵓⵛⴼⵕ ⴷ ⵉⵎⴰⵙⵙⵏ ⵏ ⵓⵥⴰⵡⴰⵏ ⴷ ⵉⴽⴹⵉⴼⵏ. ⵜⴻⵜⵜⵓⴼⵙⴰⵔ ⵜⵥⵓⵕⵉ ⵏ ⵓⵥⵟⵟⴰ ⵙ ⵓⴼⵙⴰⵔ ⵏ ⵓⵥⵟⵟⴰ ⴷ ⵉⵎⴰⵙⵙⵏ ⵏⵏⵙ. ⵎⵛⵉⵙ ⵜⵓⵎⴰ ⵜⴷⴰⵍⴰ ⴰⴷ ⴽⵔⴰ ⵏ ⵜⴼⵍⵡⵉⵏ ⵉⵜⵜⵓⵙⵏⵓⵍⴼⴰⵏ ⵉⵇⵇⵏⵏ ⵖⵔ ⵜⵥⵓⵕⵉⵡⵉⵏ ⴷ ⵜⵎⵢⵓⵔⵉⵏ ⴷ ⵜⴰⵣⵣⵓⵍⵉⵏ ⴰⵎ ⵜⵢⵔⵣⴰ ⵜⴰⵇⴱⵓⵔⵜ, ⴰⴳⵓⴷⴷⵊⵓ ⴷ ⵉⵏⵎⵓⴳⴳⴰⵔⵏ (ⴰⵏⵎⵓⴳⴳⴰⵔ ⵏ ⵓⵔⴷⵍⵉⵎ ⴷⵉ ⵚⴼⵕⵓ ⴷ ⵓⵏⵎⵓⴳⴳⴰⵔ ⵏ ⵓⵃⵉⴷⵓⵙ ⴷⵉ ⵄⵉⵏ ⵍⵍⵓⵃ).
ⵜⴰⴷⴰⵍⴰ ⵏ ⵓⵙⴼⵙⵔ ⵜⵉⵙ ⴽⵕⴰⴹⵜ : ⴰⵢⴷⴰ ⴰⴷⵔⵣⴰⵏ ⴷ ⵓⵏⵎⵣⵔⵓⵢ
ⵜⵓⵎⴰ ⵜⴷⴰⵍⴰ ⵏ ⵓⵙⴼⵙⵔ ⵓⵟⵟⵓⵏ 3 ⵉⴼⵉⵜⵏ ⵏ ⵉⴷⵔⵣⴰⵏⵏ ⵉⵜⵜⵢⴰⴼⴰⵏ ⴳ ⵜⵎⵏⴰⴹⵜ ⵏ ⵡⴰⵟⵍⴰⵚ ⴰⵏⴰⵎⵎⴰⵙ. ⴰⵔ ⵜⴻⵜⵜⵓⵖⵓⵍ ⵓⵢⴷⴷⵖ ⵏ ⵢⵉⴼⵉⵜⵏ ⵖⵔ ⵉⵣⵎⴰⵣ ⵉⵎⵣⵔⵓⵢⵏ ⵉⵎⵢⴰⵏⴰⵡⵏ : ⴰⵣⵎⵣ ⵏ ⴷⴰⵜ ⵓⵎⵣⵓⵔ, ⴰⵣⵎⵣ ⵏ ⴷⴰⵜ ⵍⵉⵙⵍⴰⵎ ⴷ ⵜⵉⵣⵉ ⵜⴰⵏⴰⵎⵎⴰⵙⵜ.
ⴳⴰⵏ ⵉⵎⴰⵙⵙⵏ ⵏ ⴷⴰⵜ ⵓⵎⵣⵔⵓⵢ ⵙⴳ ⵉⴳⵍⵣⵉⵎⵏ ⵉⵍⴰⵏ ⵙⵉⵏ ⵡⵓⴷⵎⴰⵡⵏ. ⵎⵛⵉⵏⵏⴰ ⵏⵜⵜⴰⴼⴰ ⵉⴼⵔⵙⵏ ⴷ ⵉⵏⴱⴱⴰⵔⵏ ⴷ ⵉⵎⴰⵙⵙⵏⵏ ⵉⵍⴰⵏ ⵉⵙⴽⵙⴰ ⴷ ⵜⵓⵣⵣⴰⵍⵉⵏ ⴷ ⵉⵎⴰⵙⵙⵏⵏ ⵉⵀⵉⵍⴰⵍⵉⵢⵏ ⵉⵜⵜⵓⵖⵓⵍⵏ ⵖⵔ ⵓⵣⵎⴰⵣ ⵏ ⵓⵥⵕⵓ ⴰⵜⵔⴰⵔ ⵙ ⵉⴳⵣⵓⵎⵏ ⵏ ⵉⴷⵇⵇⵉ, ⴷ ⵉⴷⵇⵇⵉ ⴷ ⵉⵖⴼ ⵏ ⵓⵃⵔⵉⵛ ⴷ ⵉⴱⵔⴰⵜⵏ ⵉⵜⵜⵓⵙⵏⴰⵎⵏ ⴷ ⵜⵓⴽⴰⴹ ⵙⴳ ⵉⵇⵣⵣⴰⵢ ⴰⵔⵜ. ⵜⵜⴰⴼ ⴰⴷ ⵢⵉⵍⵉ ⵓⵙⵢⵉⵙⵙⵏ ⵏ ⵓⵙⵎⴰⵢⵏⵓ ⵏⵏⴰ ⵜⵙⵙⵏ ⵜⵣⵉⵣ ⵏ ⵓⵣⵎⵣ ⵏⵏ ⵓⵥⵕⵓ ⴰⵜⵔⴰⵔ ⴳ ⵢⵉⴳⵔ ⵏ ⵜⴽⵔⵣⴰ ⴷ ⵜⵜⵉⵇⵏⵉⵜ, ⵉⵜⵜⴼⵙⴰⵔⵏ ⵉⴳⵣⵣⵓⵎⵏ ⵏ ⵓⵣⵔⴳ ⴷ ⵉⵣⴷⵓⵣⵏ ⵏ ⵓⵥⵕⵓ ( ⴰⵏⵥⵉ ⵖⴼ ⵜⵉⵣⵉ ⴳ ⵜⵓⵎⴰⵏ ⵜⴽⵔⵣⴰ) ⴷ ⵉⴳⵍⵣⵉⵎⵏ ⵉⴼⵔⵙⵏ. ⵎⵛⵉⵙ ⵍⵍⴰ ⵉⵜⵜⵓⴼⵙⴰⵔⵏ ⵉⵅⵏⵜⴼⴼⵓⵜⵏ ⵏ ⵉⵎⵓⴷⴰⵔ ⵉⵜⵜⵓⵖⵓⵍⵏ ⵖⵔ ⵉⴳⴰⵍⵓⵣⵏ ⵏ ⵉⵇⵣⵣⴰⵢ ⵏ ⵓⴱⵓⴱⴱⴰⵥ ⵏⵏⴰ ⵉⵜⵜⵢⴰⴼⴰⵏ ⴳ ⵉⴼⵔⵉ ⵏ ⵓⵙⵄⵉⴷ. ⵉⴷⴷ ⵖⴼ ⵓⵣⵎⵣ ⵏ ⴷⴰⵜ ⵍⵉⵙⵍⴰⵎ, ⴰⵔ ⵜⵜⵓⴼⵙⴰⵔⵏ ⵉⵎⴰⵙⵙⵏ ⵏ ⵜⵥⵓⵍⵉ ⵣⵓⵏ ⴷ ⵍⴽⵉⴹ ⵏ ⵢⵉⵡⵍ ⵏ ⵢⴰⵜ ⵜⵄⵔⵔⵉⵎⵜ ⴷ ⵉⵜⵍⵉⵜⵏ ⵏ ⵡⴰⵏⴰⵙ, ⴷ ⴽⵔⴰ ⵏ ⵉⵖⵙⴰⵏ ⵉⴽⵯⵍⴰⵏ ⴷ ⵜⵓⵏⵖⵉⵍⵉⵏ ⵏ ⵉⴳⵣⴰⵢⵏ ⵏ ⵉⵙⴼⵔⵉⵙⵏ ⵉⵎⵜⵜⵉⵏⵏ. ⵉⴷⴷ ⴰⵣⵎⵣ ⴰⵏⴰⵎⵎⴰⵙ ⵏⵖ ⴰⵏⵙⵍⵎ, ⴳⴰⵏ ⵉⵎⴰⵙⵙⵏ ⵏⵏⵙ ⵙⴳ ⵉⴷⵇⵇⵉ ⴷ ⵓⵙⴰⵎⵖ ⴷ ⵉⵎⵖⵓⵣⵏ ⵉⵜⵜⵢⴰⴼⴰⵏ ⴳ ⵡⴰⵏⵙⴰ ⵏ ⴼⴰⵣⴰⵣ. ⴰⴼⴰⴷ ⴰⴷ ⵉⴱⵖⵓⵔ ⵓⵙⵙⴰⵔⴰ ⴳ ⵜⵙⵏⵏⵉⵖⵜ ⵜⵜⵡⴰⵔⵏⵉⵏⵜ ⴽⵔⴰ ⵏ ⵜⴼⵍⵡⵉⵏ ⵉⵙⵏⴽⴰⴷⵏ ⵉⵙⴼⴽⴰ ⵖⴼ ⵡⴰⵏⵙⴰ ⴰⴷⵔⵣⴰⵏ ⴰⵅⵙⵡⴰⵜ ⵏ ⵜⵎⵏⴰⴹⵜ ⴷ ⵖⴼ ⵡⴰⵀⵍⵉ ⵏ ⵢⵉⴼⵉⵜⵏ ⵉⴷⵔⵣⴰⵏⵏ ⴷ ⵉⵜⵜⵓⵙⵓⴼⵖⵏ ⵣⵣⵉⴳⵙ.