ⴰⵙⵏⵎⵉⵇ ⵏ ⵡⴰⵎⴰⵏ ⵏ ⵓⵍⴷⵊⵉⴳ
ⴱⴷⴷⴰⵏⵜ ⵜⵎⵓⵣⴰⵢ ⵉⵣⴷⵉⵏ ⴰⴽⴷ ⵓⴼⵔⴷⵉⵙ ⴰⴷ ⵖⴼ ⵓⵙⵏⴼⵍ ⵏ ⵓⵍⴷⵊⵉⴳ ⵏ ⵜⵙⴽⵍⵓⵜ ⵏ (ⵓⵍⵜⵛⵉⵏ) ⵖⵔ ⴰⵎⴰⵏ, ⵙ ⵜⵎⵀⵍⵜ ⵏ ⵓⵙⵎⵔⵙ ⵏ ⵉⵎⵉⵙⵙ ⵏ ⵡⴰⵏⴰⵙ ⵉⵥⵍⵉⵏ ⵢⵓⵎⴰⵏ ⴽⵕⴰⴹ ⵉⴳⵣⵣⵓⵎⵏ, ⴷⴰ ⵜⵜⵓⵙⴽⴰⵔ ⵖ ⵜⵎⴷⵉⵏⵉⵏ ⵉⵇⴱⵓⵔⵉⵏ ⵣⵓⵏ ⴷ ⵎⵕⵕⴰⴽⵛ ⴷ ⴼⴰⵙ. ⴷⴰ ⵜⴻⵜⵜⵡⴰⴳⴳⵏⵜ ⵜⵎⵀⵍⵉⵏ ⵏ ⵓⵙⵏⵇⵇⵟ ⵙ ⵓⴼⵓⵙ ⵏ ⵜⵎⵟⵟⵓⴹⵜ ⵏⵏⴰ ⵉⵇⵡⵡⵛⵏ ⵉⴳⵔ ⴰⴷ, ⴷ ⵍⵍⵉ ⵉⵙⵡⵓⵔⵉⵏ ⵙ ⵉⵏⵙⴰⵢⵏ ⵥⵍⵉⵏⵉⵏ ⵉⵇⵇⵏⵏ ⴰⴽⴷ ⵜⵣⴷⴳⵉ ⴷ ⵜⵎⵍⵙⵉⵜ ⵏ ⵓⵎⵍⵍⴰⵍ, ⴷ ⵓⵙⵜⴰⵢ ⵏ ⵡⴰⵏⴰⵡ ⵏ ⵉⴷ ⵜⵜⴽⵔ ⵍⵍⵉ ⵉⵜⵜⵓⵢⴰⵏⵏⴰⵏ ⴷⵉ ⵓⵣⵎⵓⵣⵣⵓ ⴰⴷ…
ⴳ ⵡⴰⵢⵢⵓⵔ ⵏ ⵎⴰⵕⵚ ⴷⴰ ⵉⵜⵜⵓⵙⵎⵓⵜⵜⵓⵔ ⵓⵍⴷⵊⵉⴳ ⵏ ⵜⵙⴽⵍⵓⵜ ⵏ ⵍⵍⵉⵜⵛⵉⵏ, ⵉⵜⵜⵓⴼⵙⴰⵔ ⵙⵉⵏ ⵡⵓⵙⵙⴰⵏ ⵉⵡⵔⵉⵏⵏⵉ ⵜⴰⴼⵓⴽⵜ. ⴷⴼⴼⵔ ⵜⴰⵥⴰⵍⵍⵉⵜ ⵏ ⵜⴰⵢⵍⴳⵉ , ⵍⴰ ⵜⴽⴽⵓⵔⵏⵜ ⵜⵙⴷⵏⴰⵏ ⴰⵔⵓⴽⵓ ⵏ ⵓⵣⴷⴷⴰⵔ ⵏ ⵓⵙⵇⵟⵟⵕ ⵙ ⵡⴰⵎⴰⵏ ⴳⵔⵏⵜ ⴷⵉⴳⵙ ⵉⵎⵉⴽⴽ ⵏ ⵓⵍⴷⵊⵉⴳ, ⴳⵉⵏⵜ ⵖ ⵉⴳⴳⵉ ⵏ ⵜⵎⵙⵙⵉ ⵜⵜⴰⴼ ⴰⴷ ⴱⴱⵍⴱⴹⵏ ⵡⴰⵎⴰⵏ, ⴷⴼⴼⵔ ⵎⴰⵏ ⴰⵢⵏⵏⵉ ⴷⴰ ⵏⵏ ⵜⴳⴳⵏⵜ ⵖ ⵉⴳⴳⵉ ⵏⵏⵙ ⴰⵔⵓⴽⵓ ⵡⵉⵙ ⵙⵉⵏ ⵏ ⵓⵇⵟⵟⵕ, ⵏⵏⴰ ⴳ ⵉⵜⵜⵓⵙⵔⴰⵙ ⵓⵍⴷⵊⵉⴳ ⵏⵏⴰ ⵖⴼ ⵔⴰⴷ ⵣⵔⵉⵏ ⵉⵔⵓⴳⴳⵯⴰ ⴷ ⵉⵜⵜⴰⵍⵉⵏ ⵣⵣⵖ ⵓⵣⴷⴷⴰⵔ ⴰⴼⴰⴷ ⴰⵎⵙⵏ ⴰⵣⴰⵜⵉⵎ ⵏ ⵉⵍⴷⵊⵉⴳⵏ ⴷ ⵜⵓⵊⵊⵓⵜ ⵏⵏⵙⵏ, ⴷⴰⵜ ⴰⴷ ⵉⵎⵎⵏⴳⴰⵙ ⴰⴽⴷ ⵓⴳⵣⵣⵓⵎ ⵡⵉⵙ ⴽⵕⴰⴹ ⵏ ⵉⵎⵉⵙⵙ ⵏ ⵡⴰⵏⴰⵙ ⵏⵏⴰ ⵎⵉ ⵜⴻⵜⵜⴳⴳⵣ ⵜⵣⵖⵍⵜ ⵏⵏⵙ ⵙ ⵡⴰⵎⴰⵏ ⵉⵇⵇⵔⴼⵏ ⵏⵏⴰ ⵉⵜⵜⴼⴼⵏ ⵖ ⵉⴳⴳⵉ ⵏⵏⵙ, ⵙ ⵓⵏⴳⴰⵔⴰ ⵏ ⵜⵙⴽⴼⴰⵍ ⵏ ⵜⵔⵖⵉ, ⴷⴰ ⵉⵜⵜⵎⵓⵜⵜⵓⵔ ⵡⴰⴳⴳⵓ ⵉⵏⵏⴼⵍ ⵖⵔ ⵜⵎⵇⵇⴰ ⵏ ⵓⵍⴷⵊⵉⴳ ⵏⵏⴰ ⵉⵣⵔⵔⵉⵏ ⴳ ⵓⵙⵍⴷⵉ ⵉⵥⵍⵉⵏ ⵎⴰ ⵔⴰⴷ ⴰⴷ ⵏⵏ ⴼⴼⵉⵏⵜ ⵖ ⵢⴰⵏ ⵓⵔⵓⴽⵓ ⵏ ⵓⵙⴰⵎⵖ ⵉⵜⵜⵡⴰⵙⴽⴰⵔⵏ ⵉ ⵓⵙⴽⴽⵉⵏ ⴰⴷ. ⴰⵔ ⵜⵜⵓⵙⵔⴰⵙⵏ ⵡⴰⵎⴰⵏ ⵏ ⵓⵍⴷⵊⵉⴳ ⴳ ⵢⴰⵏ ⵓⴷⵖⴰⵔ ⵉⵍⵍⴰⵙⵏ ⵜⵉⵣⵉ ⵏ ⴽⴽⵓⵎⵔⵡ ⵏ ⵡⵓⵙⵙⴰⵏ ⴷⴰⵜ ⴰⴷ ⵉⵍⵉⵏ ⴳⴰⵏ ⵉ ⵉⵙⵎⵔⵙⵏ ⵉⴳⴳⵓⵜⵏ : ⴰⵔ ⵜⵜⵓⵙⵎⵔⴰⵙⵏ ⴳ ⵜⵙⴽⵔⵉⵡⵜ ⵏ ⵜⵎⵥⵉⴹⵉⵏ, ⴷ ⵖ ⵉⵙⴽⴽⵉⵏ ⵏ ⵜⵥⵓⵍⵉ ⴷ ⵖ ⵜⴰⵡⵉⵜ ⴳ ⵢⵉⵍⵎ ⴷ ⵡⴰⵣⵣⴰⵔ, ⵖⵎⴽⵍⵍⵉ ⴷⴰ ⵉⵜⵜⵡⴰⴳ ⴳ (ⵍⵕⵛⵛⴰ) ⵜⴰⵎⵕⵓⵛⵛⵜ ⵏ ⵜⵓⵊⵊⵓⵜⵉⵏ ⴰⴼⴰⴷ ⴰⴷ ⵉⵙ ⵜⵜⵓⵙⵊⵊⵓⵏ ⵉⵏⴱⴳⵉⵡⵏ ⴰⵢⵏⵏⴰ ⴷ ⴽⵛⵎⵏ ⵙ ⵜⴳⵎⵎⵉ ⵙ ⵜⵎⴰⵜⴰⵔⵜ ⵏ ⵓⵙⵏⴱⴳⵉ ⵉⵎⵎⵔⵏ.