ⴰⵕⴽⴰⴹ ⵏ ⵢⵉⵔⵉⵔ ⵏ ⴳⴰⵏⴳⴰ
ⵜⴰⵎⵓ ⵜⵥⵓⵕⵉ ⵏ ⴳⴰⵏⴳⴰ ⵣⵣⵖ ⵡⴰⵢⴷⴰ ⵉⵜⵜⵢⴰⵡⵙⵙⴰⵏ ⵖⴼ ⵓⵙⵡⵉⵔ ⴰⵏⴰⵎⵓⵔ ⵙ ⵜⵥⵓⵕⵉ ⵏ ⴳⵏⴰⵡⴰ ⵏⵏⵉ ⵉⵜⵓⵣⵎⵎⴰⵎⵏ ⴷⵉ ⵜⵎⵙⴹⴼⵕⵜ ⵏ ⵍⵢⵓⵏⵉⵙⴽⵓ ⵙⴳ ⵓⵙⴳⴳⵯⴰⵙ ⵏ 2019. ⴰⵔ ⵏⵙⵙⴽⴰⵜⵢ ⵎⴰⵙ ⴷ ⴰⴼⵔⴷⵉⵙ ⵏ ⴳⵏⴰⵡⴰ ⵢⵓⵎⴰ ⵙⵉⵏ ⵡⴰⵏⵡⵏ ⵉⵙⵎⴷⵏ ⵙⴳ ⵡⵓⴷⵎⴰⵡⵏ ⵉⵏⴰⵥⵓⵕⵏ ⵉⵎⵢⴰⵏⴰⵡⵏ ⵖ ⵉⵎⴰⵙⵙⵏⵏ ⵏ ⵓⵥⴰⵡⴰⵏ, ⴷ ⵜⵎⵍⵙⴰ ⴷ ⵜⵎⵙⴽⵉⵔⵉⵏ… ⵉⵍⵍⴰ ⵡⴰⵏⴰⵡ ⴰⵖⵔⴰⵎⴰⵏ ⵉⵜⵜⵢⴰⵡⵙⵙⵏ ⴳ ⵜⵎⴷⵉⵏⵉⵏ, ⵏⵏⵉ ⵉⴱⴷⴷⴰⵏ ⵖⴼ ⵡⴰⵕⵕⵓⴹ ⵎⵉ ⴳⴳⵓⵜⵏ ⵉⴽⵯⵍⴰⵏ ⵉⵜⵜⵓⵙⴼⴰⵍⴽⵉ ⵙ ⵉⵊⵖⵍⴰⵍⵏ ⵏ ⵢⵉⵍⵍ, ⴷ ⵡⵏⵏⵉ ⵉⴱⴷⴷⵏ ⴳ ⵜⵙⵉⵍⴰ ⵏⵏⵙ ⵖⴼ ⵉⵎⵉⵙ ⵏ ⵍⴳⵏⴷⵔⵉ ⴰⵍⵓⵟⴰⵕ ⴳ ⵉⵙⴼⵙⵔⵏ ⵏⵏⵙ ⵉⵏⴰⵥⵓⵕⵏ, ⵎⴰⴽⴰ ⴰⵏⴰⵡ ⵉⵜⵜⵢⴰⵡⴰⵙⵙⵏ ⴳ ⵉⴼⴰⵔⴰⵜⵏ ⵡⴰⴷ ⵉⴱⴷⴷⵏ ⴳ ⵜⵙⵉⵍⴰ ⵏⵏⵙ ⵖⴼ ⵓⴷⵏⴷⵓⵎ ⴰⵅⴰⵜⴰⵔ ⵉⵜⵜⵢⴰⵙⵙⵏ ⵙ ⴳⴰⵏⴳⴰ ⴷ ⵜⵇⵔⵇⴰⵛⵉⵏ ⵏ ⵡⵓⵣⵣⴰⵍ.
ⵜⴻⵜⵜⵢⴰⵙⵙⵏ ⵜⵖⵍⴰ ⵏ ⵡⴰⴷ ⵏⵓⵏ ⵙ ⵜⵥⵓⵕⵉ ⴰⴷ ⵏ ⴳⵏⴳⴰ ⵣⵓⵏ ⴷ ⴰⵢⵍⵍⵉ ⵉⵍⵍⴰⵏ ⴳ ⵉⴼⴰⵔⴰⵜⵏ ⵢⴰⴹⵏⵉⵏ ⴷ ⵜⵇⴱⵉⵍⵉⵏ ⴷ ⵢⵓⵙⴰⵏ ⴳ ⵉⵥⵥⵍⵎⴹ, ⵎⴰⵛⴰ ⵉⵙⵜⵉ ⵙ ⵜⵓⵥⵍⴰⵢⵉⵏ ⵏⵏⵙ ⴳ ⵓⵙⵡⵉⵔ ⵏ ⵡⴰⵕⵕⵓⴹ ⵏ ⵉⵔⴳⴰⵣⵏ ⵏⵏⵉ ⵉⴱⴷⴷⴰⵏ ⵖⴼ ⴷⴷⵔⴰⵄⵉⵢⴰ, ⴷ ⵜⵎⵍⵙⵉⵜ ⵏ ⵜⵙⴷⵏⴰⵏ ⵏⵏⴰ ⴳ ⵉⵍⵍⴰ ⵓⵎⵍⵃⴰⴼ ⴷ ⴽⵔⴰ ⵏ ⵉⴳⵣⵣⵓⵎⵏ ⵏⵏⵉⴹⵏ ⵉⵣⴷⵉⵏ ⵙ ⵉⴳⵔⴰⵏ ⵏ ⵜⵏⵣⵔⵓⴼⵜ ⴷ ⵜⵎⴰⵏⴹⵉⵏ ⵜⵜ ⵉⵔⵡⴰⵙⵏ.
ⴰⵔ ⵉⵜⵜⵓⵖⵓⵍ ⵓⵙⴰⵍⴰ ⵏ ⵜⵥⵓⵕⵉ ⵏ ⴳⴰⵏⴳⴰ ⵖⵔ ⵓⵎⵔⴰⵔⴰ ⵏⴳⵔ ⵜⵎⵢⵓⵔⵉⵏ ⵜⵉⵎⵥⴰⵡⴰⵏⵉⵏ ⴷ ⵉⴷⴷⴰⵏ ⵙⴳ ⵉⴼⵔⵉⵇⵉⵢⴰ ⴳ ⵉⴼⴼⵓⵙ ⵏ ⵜⵣⵔⵓⴼⵜ, ⴰⴽⴷ ⵡⴰⵢⴷⴰ ⴰⴷⵖⴰⵔⴰⵏ. ⵙⵓⵍⵏ ⵉⵎⵣⴷⴰⵖ ⵓⵡⵉⵏ ⵜⵜ ⴳ ⵓⴼⵔⴷⵉⵙ ⴰⴷ, ⴰⵔ ⴽⴽⴰⵜⵏ ⵡⴰⴷ ⵖⴼ ⵓⵙⵎⴰⵜⵜⵉ ⵏⵏⵙ ⵖⵔ ⵜⵙⵓⵜⵉⵡⵉⵏ ⴷ ⵉⴷⴷⴰⵏ, ⵉⴷⴷⵖ ⵉⵍⴰ ⴰⵜⵉⴳⵏ ⵉⵏⴰⵎⵓⵏⵏ ⵉⵎⵢⴰⵏⴰⵡⵏ.