ⵜⴰⵎⴳⵓⵔⵉ ⵏ ⵓⵖⵔⵔⴰⴱⵓ ⵏ ⵜⴰⵚⵚⵓⵕⵜ- ⵜⴰⵍⴼⵍⵓⴽⵜ ⵏ ⵜⴰⵚⵚⵓⵕⵜ-
ⴽⴽⴰⵏ ⵜⵜ ⵉⵏⵏ ⵡⴰⵎⵎⴰⵙⵏ ⵏ ⵜⴰⵣⵣⵓⵍⵉⵏ ⵉⵍⵍⴰⵏ ⵖⴼ ⵜⴰⵖⵣⵉ ⵏ ⵓⴳⴰⵔⵓ ⴰⵟⵍⴰⵏⵟⵉ ⴳ ⵜⵙⴳⴳⵯⵉⵏ ⵏ ⵜⵎⴷⵉⵏⵜ ⵏ ⵜⴰⵚⵚⵓⵕⵜ ⴷⴰ ⵙⵙⴽⴰⵔⵏ ⵢⴰⵏ ⵡⴰⵏⴰⵡ ⵉⵥⵍⵉⵏ ⵏ ⵉⵖⵔⵔⵓⴱⴰ ⵉⵇⴱⵓⵔⵏ ⵏⵏⵉ ⵜⵜ ⵏⵏ ⵉⴽⴽⴰⵏ ⴷⴰ ⵜⵜⵓⵙⵎⵔⴰⵙⵏ ⴳ ⵜⴳⵯⵎⵔⵜ ⵏ ⵉⵙⵍⵎⴰⵏ. ⴷⴼⴼⵔ ⵎⴰⵏ ⴰⵢⵏⵏⵉ, ⵙⴱⵓⵖⵍⴰⵏ ⵉⵎⵏⵉⴹⵏ ⴰⵢⴷⴷⵖ ⵏ ⵓⵎⴷⵢⴰ ⴰⵇⴱⵓⵔ, ⴳ ⴷ ⵓⵡⵉⵏ ⵜⵓⵥⵍⴰⵢⵉⵏ ⵏ ⵉⵖⵔⵔⵓⴱⴰ ⴰⴷ ⵏⵏⴰ ⵜⵜ ⵏⵏ ⵉⴽⴽⴰⵏ ⴷⴰ ⵜⵜⴰⵙⵉⵏ ⵉⵍⵣⴰⵣⵏ ⵏⴳⵔ ⵓⴼⵜⴰⵙ ⴷ ⵉⵖⵔⵔⴰⴱⵓⵜⵏ ⵉⵎⵇⵇⵔⴰⵏ ⵉⴷⵔⵔⵙⵏ ⵉⵡⵔⵉⵏⵏⵉ ⵜⴰⵖⴰⵔⵜ, ⵙⵙⴽⵔⵏ ⴽⵔⴰ ⵏ ⵉⵎⴷⵢⴰⵜⵏ ⵉⵎⴰⵢⵏⵓⵜⵏ ⵉⵙⵙⵓⴳⵔⵏ ⴰⵎⵢⴰⵙ, ⴷ ⵜⵔⵏⵉⵡⵜ ⵏ ⵓⵥⴰⵥⴰ ⴷ ⵓⵥⵥⵉⴹⵕ ⵏ ⵓⵎⴰⵏⴰⵍ ⵏ ⵜⴰⴹⴹⴰⵏⴳⵉⵡⵉⵏ ⵢⴰⵜⵜⵓⵢⵏ. ⴰⵢⵢⴷⵖ ⵏ ⵓⵎⴷⵢⴰ ⵉⵜⵜⵓⵙⴱⵓⵖⵍⴰⵏ, ⵏⵜⵜⴰⵏ ⴰⵢⴷ ⵉⵜⵜⵡⴰⵙⵙⴰⵏ ⵙ ⵍⴼⵍⵓⴽⴰ ⵏ ⵜⴰⵚⵚⵓⵕⵜ, ⵏⵏⴰ ⵢⴰⵖⵏ ⴷⴼⴼⵔ ⵎⴰⵏ ⴰⵢⵏⵏⵉ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵍⵎⵖⵔⵉⴱ, ⵏⵓⵎⴰⵕ ⵜⴰⵏⵣⵔⵓⴼⵜ ⵜⴰⵎⵖⵔⴰⴱⵉⵜ ⴹⴰⵕⵜ ⵏ ⵜⵡⴰⴷⴰ ⵜⴰⵣⴳⵣⴰⵡⵜ.
ⵜⴱⴷⴷⴰ ⵜⵎⴳⵓⵔⵉ ⵏ ⵜⵖⵔⵔⴰⴱⵓⵜ ⵏ ⵜⴰⵚⵚⵉⵔⵜ ⵖⴼ ⴽⵔⴰ ⵏ ⵡⴰⵏⴰⵡⵏ ⵉⵎⵢⴰⵏⴰⵡⵏ ⵏ ⵓⴽⵛⵛⵉⴹ, ⴰⵛⴽⵓ ⴽⵓ ⴰⴳⵣⵣⵓⵎ ⵙⴳ ⵉⴳⵣⵣⵓⵎⵏ ⵏⵏⵙ ⵍⴰ ⵙⵙⵓⵜⵓⵔⵏ ⵢⴰⵏ ⵡⴰⵏⴰⵡ ⵉⵥⵍⵉⵏ ⵏ ⵓⴽⵛⵛⵉⴹ ⴷ ⵢⵓⵙⴰⵏ ⵉ ⵓⵣⵓⵔ ⵏ ⵜⵖⵔⵔⴰⴱⵓⵜ ⴷ ⵜⴷⵓⵙⵉ ⵏ ⵜⴰⴹⴹⴰⵏⴳⵉⵡⵉⵏ ⵏⵏⴰ ⵜⵜⵎⵏⴰⵍⴰ.
ⵓⵔ ⵜⵎⵣⴰⵔⴰⵢ ⵜⵖⵔⵔⴰⴱⵓⵜ ⵏ ⵜⴰⵚⵚⵓⵕⵜ ⵖⴼ ⵓⵎⵣⵔⵓⵢ ⵏ ⵜⴰⵚⵚⵓⵕⵜ ⵍⵍⵉ ⵜⵜ ⵏⵏ ⵉⴽⴽⴰⵏ ⵜⵏⵏⵓⵕⵥⵎ ⵖⴼ ⵢⵉⵍⵍ. ⴷ ⵍⵍⵉ ⵎⵉ ⵜⵜ ⵏⵏ ⴽⴽⴰⵏ ⵉⵎⵣⴷⴰⵖⵏ ⵏⵏⵙ ⴳ ⵜⵓⴷⵔⵜ ⵏⵏⵙⵏ ⵜⴰⵊⴽⵓⵢⴰⵙⵙⵜ ⵜⴱⴷⴷⴰ ⵖⴼ ⵡⴰⵔⵔⴰⵓⵣⵏ ⵏⵏⵙ. ⵉⵍⵍⴰ ⴷⵉⴳⵙⵏ ⵎⴰ ⴰⵢⴷ ⵉⵜⵜⵓⵥⵍⴰⵢⵏ ⴳ ⵜⵎⴳⵓⵔⵉ ⵏ ⵉⵖⵔⵔⵓⴱⴰ, ⴷ ⵡⵏⵏⴰ ⵉⵜⵜⵓⵥⵍⴰⵢⵏ ⴳ ⵓⵎⵓⴽⵏ ⵏⵏⵙⵏ ⴷ ⵜⴰⵡⵉⵜ ⴷⵉⴳⵙⵏ, ⴷ ⵡⵓⴳⴳⴰⵔ ⵏ ⵉⵎⵢⵉⵍⵍⵏ ⵙⴳ ⵉⵅⴰⵜⴰⵔⵏ ⴷ ⵉⵎⴰⵡⴰⵙⵏ ⵏⵏⵙⵏ ⵏⵏⴰ ⵉⵙⵙⵏⴷⵓⵏ ⵜⵉⵍⵖⵎⵉⵏ ⵏ ⵢⵉⵍⵍ ⴽⵓ ⴰⵙⵙ ⵜⵜⴰⴼ ⴰⴷ ⴳⵯⵎⵔⵏ ⵉⵙⵍⵎⴰⵏ, ⴷ ⵓⵙⵎⴰⵜⵜⵉ ⵏⵏⵙⵏ ⵖⵔ ⵜⴰⵖⴰⵔⵜ.
ⵙ ⵓⵎⴰⵜⴰ, ⵍⴰ ⵜⵙⴽⴰⵏ ⵜⵖⵔⵔⴰⴱⵓⵜ ⵏ ⵜⴰⵚⵚⵓⵕⵜ, ⵢⴰⵏ ⵓⴼⵔⴷⵉⵙ ⵉⵥⵍⵉⵏ ⵙⴳ ⵉⴼⵔⴷⵉⵙⵏ ⵏ ⵡⴰⵢⴷⴰ ⴰⴷⵍⵙⴰⵏ ⴰⵔⴰⴽⵎⴰⵎⴰⵎⵖⵔⴰⴱⵉ, ⵍⵍⵉ ⵉⴳⴰⵏ ⵜⵉⵎⵓⵣⴰⵢ ⴷ ⵜⵏⵉⴳⵉⵏ ⵉⵣⴷⵉⵏ ⵖⵔ ⵜⵏⵙⵔⴰⵎⵜ ⴷ ⵜⵎⴳⵓⵔⵉ ⵏ ⵉⵖⵔⵔⵓⴱⴰ ⵙ ⵜⵍⵖⴰ ⵉⵥⵍⵉⵏ, ⴷ ⵜⵎⵙⴽⵉⵔⵉⵏ ⵜⵉⵢⵍⴰⵏⵉⵏ ⵙ ⵓⵎⴰⵜⴰ.