ⵄⴱⵉⴷⴰⵜ ⵕⵕⵎⴰ
ⴰⵏⵙⴰ : ⵅⵔⵉⴱⴳⴰ- ⵡⴰⴷ ⵥⵎ- ⴱⵊⵊⵄⴷ- ⴱⵓⵊⵏⵉⴱⴰ
ⵜⵓⵙⵙⵉⴼⵜ ⵖⴼ ⵓⵏⵎⵓⴳⴳⴰⵔ :
ⵜⴳⴰ ⵜⵥⵉⵕⵉ ⵏ ⵄⴱⵉⴷⴰⵜ ⵕⵕⵎⴰ ⵜⴰⵥⵓⵕⵉ ⵏ ⵓⵕⴽⴹ, ⵜⵜⵢⴰⵡⵙⵙⴰⵏⵜ ⵙⵉⵙ ⴽⵔⴰ ⵏ ⵜⵎⵏⴰⴹⵉⵏ ⵏ ⵍⵎⵖⵔⵉⴱ ⵣⵓⵏ ⴷ ⵛⵛⴰⵡⵉⵢⴰ, ⵡⵔⴷⵉⵖⴰ, ⵍⵃⴰⵡⵣ ⴷ ⵜⴰⴷⵍⴰ. ⵎⵉⵏⵣⵉ ⵏⵥⴹⴰⵕ ⴰⴷ ⵜⵜ ⵏⵙⵙⵓⵎⵓ ⵙⴳ ⵜⵥⵓⵕⵉⵡⵉⵏ ⵏ ⵓⴼⵕⵕⵊ ⴰⵎⴷⴰⵏ ⴰⵎⵖⵔⴰⴱⵉ ⵉⵥⵍⵉⵏ. ⵜⵙⵏⵓⵎⴽⴰ ⵜⴳⵓⵔⵉ ⵏ ⵕⵕⵎⴰ ⵓⴷⴷⴳ ⴳ ⵜⵓⵜⵍⴰⵢⵜ ⵜⴰⵄⵕⴰⴱⵜ. ⴰⵔ ⵉⵜⵜⵓⵢⴰⵡⵏⵏⴰ ⵎⴰⵙ ⴷ ⵄⴱⵉⴷⴰⵜ ⵕⵕⵎⴰ ⴳ ⵜⵉⵣⵡⵓⵔⵉ ⵏⵏⵙⵏ, ⴳⴰⵏ ⵡⵉⵙ ⵉⵎⴷⴷⴳⵏ. ⵜⴰⵡⵓⵔⵉ ⵏⵏⵙ ⵜⴰⴷⵙⵍⴰⵏⵜ, ⵜⴳⴰ ⵖⴰⵙ ⴰⵙⴰⵏⵓⵏ ⴷ ⵓⵙⵙⴰⵏⵓⵏ ⵖⴼ ⵓⴷⴷⴳ, ⴷ ⵓⵙⵙⵓⵊⴷ ⵏⵏⵙⵏ ⴱⴷⴷⴰ ⵉ ⵓⵎⵣⴰⵖ ⵖⴼ ⵢⵉⴳⵔ ⵏⵏⵙⵏ ⴰⵊⵢⵓⴳⵔⴰⴼⵉ. ⴷ ⵓⵢⵏⵏⴰ ⵉⵜⵜⵢⴰⵙⵙⵏ ⵎⴰⵙ ⴷ ⴽⵓ ⵜⴰⵔⴰⴱⴱⵓⵜ ⵙⴳ ⵜⵔⵓⴱⴱⴰ ⴰⴷ ⵏ ⵜⵥⵓⵕⵉ ⵜⵍⴰ ⴰⵎⵙⵎⵏⵉⴷ (ⴰⵏⵙⵙⵉⵅⴼ) ⵉⴽⴽⴰⵜⵏ ⴰⵀⴰ ⵖⴼ ⵓⵙⵏⵢⵓⴷⴷⵓ ⵏⵏⵙ ⴷ ⵉⵡⵉⵣ ⵏⵏⵙ, ⵉⴳⴳⵓⵜ ⵎⴰⵖ ⵉⵜⵜⴳ ⵙⴳ ⵉⵣⵍⴰⵡⵉⵢⵏ ⵏⵏⵙ ⴷ ⵉⵏⴹⴹⴰⵎⵏ ⵏⵏⵙ.
ⵉⴳⴰ ⵓⵏⵎⵓⴳⴳⴰⵔ ⴰⴷ ⵉⵊⵊ ⵏ ⵓⵣⵎⵓⵣⵣⵓ ⵏ ⵓⵙⵙⵎⵖⵔ ⵙ ⵉⴷ ⴱⴰⴱⵉⵏ ⵏ ⵜⵥⵓⵕⵉ ⴰⴷ ⵏ ⵉⵎⵏⵖⵉ- ⵉⴳ ⴷ ⵢⵓⵙⴰ ⵡⴰⵡⴰⵍ- ⵏⵏⴰ ⵉⵜⵜⵓⵙⵎⵏⴰⴷⵏ ⴳ ⵢⵉⵏⴷⵉ ⴰⵥⵓⵕⴰⵏ ⵉⵎⵙⵍⵍⵡⵉ ⵢⴰⴽⴽⴰⵏ ⵜⴰⴹⴼⵉ ⴷ ⵜⵢⴰⴼⵓⵜ ⵉⵇⵇⵏⵏ ⵖⵔ ⵓⴼⵕⵕⵊ. ⵎⵛⵉⵙ ⵉⴳⴰ ⴰⵍⵜⵓ ⴰⵣⵎⵓⵣⵣⵓ ⵉⵙⵙⵓⵔⵓⴼⵏ ⴰⴷ ⵜⴻⵜⵜⵓⴼⴽ ⵜⵖⴹⴼⵜ ⵉ ⵡⴰⵢⴷⴰ ⴰⴷ ⴰⵔⴰⴽⵎⴰⵎ ⴷ ⵓⵃⵟⵟⵓ ⵏⵏⵙ ⴷ ⵉⵊⵊⵏ ⵙⴳ ⵉⴼⵔⴷⵉⵙⵏ ⵏ ⵜⵎⴰⴳⵉⵜ ⵏⵏⵖ ⵜⴰⵎⵖⵔⴰⴱⵉⵜ ⵜⴰⵏⵚⵍⵉⵜ, ⵉⴳ ⵉⵛⵜ ⵏ ⵜⵍⵖⴰ ⵙⴳ ⵜⴰⵍⵖⵉⵡⵉⵏ ⵏ ⵓⵙⴷⵓⵙ ⵏ ⵓⵣⴷⴰⵢ ⵏⴳⵔ ⵜⵙⵓⵜⵉⵡⵉⵏ ⵏ ⵣⵉⴽⴽ, ⴷ ⵖⵉⵍⴰ, ⴷ ⴰⴷ ⵢⵉⵍⵉ ⵓⵙⵎⵔⴰⵔⴰ ⵏⵏⵙ ⴳⵔ ⵉⵄⵔⵔⵉⵎⵏ.