ⵜⴰⵥⵓⵕⵉ ⵏ ⵡⵓⵏⵓⵖ ⵖⴼ ⵓⴽⵛⵛⵉⴹ
ⵍⵍⴰⵏ ⵡⴰⵎⵎⴰⵙⵏ ⵏ ⵜⴰⵣⵣⵓⵍⵉⵏ ⵏ ⵜⵙⴽⵔⵉⵡⵜ ⵏ ⵜⵥⵓⵕⵉ ⵏ ⵓⴽⵛⵛⵉⴹ ⴳ ⵡⴰⵀⵍⵉ ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ, ⵙ ⵓⵙⵔⵎⵔⵙ ⵏ ⵡⴰⵏⴰⵡⵏ ⵉⴳⴳⵓⵜⵏ ⵏ ⵉⵙⴽⵍⴰ ⵣⵓⵏ ⴷ ⵉⴷⴳⵍ, ⴷ ⵓⵄⵔⵄⴰⵔ, ⴷ ⴷⴷⵓⵊ, ⴷ ⵍⵍⵉⵎⵓⵏ ⴰⵔⵜ. ⴰⵔ ⵜⵜⴰⵡⵙⵏⵜ ⵡⴰⵀⵍⵉ ⵏ ⵜⵎⴳⵓⵔⴰ ⵉⵇⵇⵏⵏ ⵖⵔ ⵓⴼⵔⴷⵉⵙ ⴰⴷ ⴳ ⵓⵙⵢⴰⴼⵓ ⵏ ⵉⴳⵣⵣⵓⵎⵏ ⵏ ⵡⵓⵙⴰⵏ, ⴷ ⵜⴼⵍⵡⵉⵏ, ⴷ ⵜⴷⵓⵍⵉⵡⵉⵏ ⴷ ⵉⵙⵖⴰⵡⵙⴰⵜⵏ ⵏ ⵜⵓⵥⴽⴰ ⴷ ⵜⴷⵍⴳⵜ.
ⴱⴹⴰⵏⵜ ⵜⵎⵓⵣⴰⵢ ⴳ ⵢⵉⴳⵔ ⴰⴷ ⵏⴳⵔ ⵜⵜⵉⵇⵏⵉⵢⵜ (ⴰⵙⵔⴰⵎ) ⴰⴼⴰⴷ ⴰⴷ ⵜⵜⵓⵙⴽⴰⵔⵏⵜ ⵜⴰⵍⵖⵡⵉⵡⵉⵏ (ⵍⵎⵛⴰⵔⴰⴱⵉ), ⴷ ⵜⵥⵓⵕⵉⵡⵉⵏ ⵏ ⵓⴳⵣⴰⵢ ⴷ (ⵓⵖⵎⵓ) ⴷ ⵜⵖⵎⵉ ⵏ ⵡⵓⵏⵓⵖ ⵏ ⵉⴳⵣⵣⵓⵎⵏ, ⴷ ⵜⵙⵏⵉⴳⵉⵜ (ⴰⵙⴳⵎⴻⵎ) ⵙ ⵓⵙⵎⵔⵙ ⵏ ⵉⵊⵖⵍⴰⵍⵏ ⵏ ⵢⵉⵍⵍ, ⴷ ⵢⵉⵙ ⴰⵏⵎⵖⵓⵣ ⴷ ⵓⴽⵛⵛⵉⴹ ⵏ ⵍⵍⵜⵛⵉⵏ. ⴰⵔ ⵙⵙⴽⴰⵔⵏ ⵉⵎⵣⵣⵓⵍⴰⵏ ⵥⵍⵉⵏⵉⵏ ⴽⵓ ⴰⵢⵢⴰⵡ ⵙⴳ ⵡⴰⵢⵢⴰⵡⵏ ⴰⴷ, ⵙ ⵓⵙⵎⵔⵙ ⵏ ⵉⵎⴰⵙⵙⵏ ⵉⵥⵍⵉⵏ, ⵉⵇⵇⵏⵏ ⴽⵓ ⴰⵢⵢⴰⵡ ⵣⵣⵉⴳⵙⵏ ⵙ ⵓⵎⴰⵡⴰⵍ ⴰⵜⵉⵇⵏⵉⵢ ⴷ ⵓⴼⴰⵍⴽⴰⵢ ⵉⴱⵖⵓⵔⵏ.
ⵃⴹⴰⵏ ⵉⵎⵣⵣⵓⵍⵏ ⵉⵎⵖⵔⴰⴱⵉⵢⵏ ⵜⵙⵏⵉⴳⵉⵏ ⴷ ⵜⵎⵓⵣⴰⵢ ⵉⵥⵍⵉⵏ ⵙ ⵡⵓⵏⵓⵖ ⵖⴼ ⵓⴽⵛⵛⵓⴹ ⵙⴳ ⵣⵉⴽⴽ, ⴽⵓⵙⵓⵏ ⵜⵏⵜ ⵜⴰⵙⵓⵜⴰ ⵖⵔ ⵜⴰⵢⴹ. ⴰⵢⴷⴷⵖ ⴰⴷ ⵜⵏ ⵢⵓⵊⵊⴰⵏ ⴰⴷ ⴰⵡⵙⵏ ⴳ ⵜⴽⵏⵏⴰⵡⵜ ⵉⵖⵓⴷⴰⵏ ⵏ ⵉⵏⵓⴼⵏ ⵉⵏⵎⵣⵔⵓⵢⵏ ⴳ ⵉⴱⵔⴳⵎⵎⵉⵜⵏ ⴷ ⵜⵓⵚⴽⴰⵡⵉⵏ ⴷ ⵜⵉⵏⵎⴰⵍ ⴷ ⵜⵎⵣⴳⵉⴷⵉⵡⵉⵏ. ⴰⵔ ⵏⵙⵙⴽⵜⴰⵢ ⴳ ⵓⵙⴰⵜⵉ ⴰⴷ ⵙ ⵉⴳⵉ ⵏ ⵍⴽⵓⵜⴱⵉⵢⴰ ⴷⵉ ⵎⵕⵕⴰⴽⵛ ⵏⵏⴰ ⵉⵜⵜⴰⵖⵓⵍⵏ ⵙ ⴰⵣⵎⵣ ⵏ ⵓⵡⴰⵏⴽ ⴰⵎⵕⴰⴱⵟⵉⵢ, ⴰⵙⴳⴳⵯⴰⵙ ⵏ 1137 ⵏⵏⵉⴽ, ⵡⴰⵅⵅⴰ ⵖⵉⴼⵙ ⵣⵔⵉⵏⵜ ⵜⵥⴰ ⵏ ⵜⵙⵓⵜⵉⵡⵉⵏ ⵖⴼ ⵜⵙⴽⵔⵉⵡⵜ ⵏⵏⵙ, ⵓⵡⵙⵏ ⵉⵏⵉⴹⴰⵏ ⵉⵎⵖⵔⴰⴱⵉⵢⵏ ⴳ ⵜⴽⵏⵏⴰⵡⵜ ⵏ ⵜⵙⴼⵔⵉⵙⵜ ⴰⴷ ⵉⵍⴰ ⴰⵜⵉⴳ ⵙ ⵓⵙⵔⵔⵓⵙ ⵏ ⵜⵎⵓⵣⴰⵢⵜ ⵏⵏⵙⵏ ⵜⴰⵇⴱⵓⵔⵜ ⵏⴳⵔ ⵉⴼⴰⵙⵙⵏ ⵏ ⵉⵎⵓⵣⴰⵢⵏ.