ⵜⵉⵙⵏⴳⵉⵏ ⵏ ⵜⵎⴳⵓⵔⵉ ⵏ ⵓⵡⵡⵔⵢ ⴳ ⵍⵎⵖⵔⵉⴱ ⵏ ⵓⵏⵇⵇⴰⵔ.
ⵙⵓⴽⴽⴼⵏⵜ ⵜⵙⴷⵏⴰⵏ ⵏ ⵜⵎⵏⴰⴹⵜ ⵏ ⵓⵏⵇⵇⴰⵔ ⵏ ⵍⵎⵖⵔⵉⴱ ⴰⵎⵖⴰⵢ ⵏ ⵓⵡⵡⵔⵢ ⵙⴽⵔⵏ ⵜ ⴷⵉⴳⵙ ⵎⵉⵏ ⵙⵖⴰⵡⵙⴰⵏⵜ ⵙⴳ ⵜⵉⵙⵉ ⵏ ⵜⴰⴷⴷⴰⵔⵜ ⴷ ⵉⵎⴰⵙⵙⵏ ⵏ ⵓⵏⵡⴰⵍ ⴷ ⵡⵓⵙⴰⵏ, ⵜⵜⴰⴼ ⴰⴷ ⵢⵉⵍⵉ ⵓⵙⴰⴷⵎⵔ ⵏ ⵉⵙⵖⴰⵡⵙⴰⵜⵏ ⵏ ⵓⴳⴰⴷⴰⵣ ⴰⴷⵖⴰⵔⴰⵏ ⴷ ⵓⵏⴰⵎⵓⵔ ⴷ ⵓⴳⵔⴰⵖⵍⴰⵏ.
ⴷⴰ ⵉⵜⵜⵡⴰⴽⴽⴰⵙ ⵓⵡⵡⵔⵢ ⵙ ⵓⴼⵓⵙ. ⵍⵍⴰⵏ ⴽⵔⴰ ⵏ ⵉⵢⴰⴼⵓⵜⵏ ⵉⵙⵖⴰⵡⵙⴰⵏ ⴰⵙⵎⴽⵍ ⵏ ⵓⵎⵖⴰⵢ ⴰⴷ ⵙ ⵜⴱⵔⵉⴷⵜ ⵉⵥⵍⵉⵏ, ⵎⵉⵏⵣⵉ ⴷⴰ ⵜⵜⵓⴱⴷⴰⴳⵏ ⵉⵥⴰⴽⴽⵯⵏ ⵏⵏⵙ ⴳ ⵡⴰⵎⴰⵏ ⵜⵉⵣⵉ ⵏ ⵡⵓⴳⴳⴰⵔ ⵏ ⴽⵕⴰⴹ ⵉⵎⴰⵍⴰⵙⵙⵏ. ⴷⴰⵜ ⴰⴷ ⵜⵜⵓⵙⵖⴰⵔⵏ, ⴷⴰ ⵜⵜⵡⴰⴷⵣⴰⵏ ⵙ ⵜⵖⵔⵓⵢⵜ ⵜⴰⵣⵓⵔⴰⵔⵜ ⵃⵎⴰⴷ ⴰⴷ ⴰⵖⵓⵍⵏ ⵉⵥⴰⴽⴽⵯⵏ ⵖⵔ ⵉⴼⴰⵍⴰⵏ ⵉⵎⵎⵔⴽⵙⵏ ⵙ ⵉⵥⴹⴰⵕ ⴰⴷ ⵜⵜⵓⵥⵟⴰⵏ ⵙ ⵓⵎⵀⴰⵍ. ⴰⵔ ⵜⵜⵓⵖⵎⴰⵏ ⵙ ⵉⴽⵍⴰⵏ ⵉⴳⴰⵎⴰⵏⵏ ⵉⵎⵢⴰⵏⴰⵡⵏ ⵙ ⵓⵢⵏⵏⴰ ⵉⵜⵜⵓⵙⵖⴰⵡⵙⴰⵏ.
ⴷⴰ ⵉⵣⴳⴳⵔ ⵓⵡⵡⵢⵔⵢ ⴳ ⵜⵓⴳⴳⵜ ⵏ ⵜⴼⵔⴽⵉⵡⵉⵏ ⵣⵣⴰⵜ ⵜⵎⵀⵍⵜ ⵏ ⵜⵙⴽⵔⵉⵡⵜ. ⵜⵓⵎⴰ ⵜⵎⵙⴽⵙⵍⵜ ⵜⴰⵎⵣⵡⴰⵔⵓⵜ ⵜⵓⴳⵜⵜ ⵏ ⵜⵎⵀⴰⵍⵉⵏ ⵣⵣⵉⴳⵏⵜ :
- ⴰⵙⵉⴽⴽⵉ : ⵉⴳⴰ ⵉⵛⵜ ⵏ ⵜⵜⵉⵇⵏⵉⵢⵜ ⵏ ⵉⵣⵣⵉⵣⴷⴳ ⵏ ⵉⵥⴰⴽⴽⵯⵏ ⵉⵎⵖⴰⵢⵏ ⵜⵜⵡⴰⵙⵔⴰⵙⵏ ⵖⵔ ⵢⵉⵊⵊⵜ ⵏ ⵜⵏⵉⵍⴰ.
- ⴰⵙⵎⵎⵍⴷⵢ ⴷ ⵓⵙⵖⵣⴼ : ⴰⵡⵜⵜⴰⵙ ⵣⵣⵉⴳⵙ ⴰⵙⵙⵉⴽⵍ ⵏ ⵉⵥⴰⴽⴽⵯⵏ ⵏ ⵓⵡⵡⵔⵢ ⴷ ⵓⵣⵣⵔⴰⵢ ⵏⵏⵙⵏ ⵏⴳⵔ ⵉⴹⵓⴹⴰⵏ ⵏ ⵓⴼⵓⵙ ⴼⴰⴷ ⴰⴷ ⴰⵖ ⴷⴼⴽⵏ ⵉⵥⴰⴽⴽⵯⵏ ⵉⴼⵟⵓⵟⵟⵃⵏ.
- ⴰⵙⵎⵓⵏⴹ ⵏⵖ ⵓⵍⵓⵎ: ⵜⴳⴰ ⵜⵎⵀⵍⵜ ⴰⴷ ⴰⵙⵏⴼⵍ ⵏ ⵉⵥⴰⴽⴽⵯⵏ ⵖⵔ ⵓⵙⴼⵉⴼ ⵉⵙⴷⵉⴷⵏ ⵉⵍⵍⵎⵏ, ⵉⵜⵜⵓⵙⵎⵔⴰⵙⵏ ⴳ ⵜⵥⵟⵉ ⵏ ⵉⴳⵔⵜⴰⵍ ⴷ ⵜⵎⵥⵥⵉⵍⵍⴰ.
ⵎⴰⴽⴰ ⵜⵉⵜⵇⵏⵉⵢⵉⵏ ⵉⵥⵍⵉⵏ ⵙ ⵓⵢⴰⴼⵓ ⵏ ⵉⵎⴰⵙⵙⵏ ⵏ ⵓⵡⵡⵔⵢ ⵏⵣⵎⵔ ⴰⴷ ⵜⵏⵜ ⵏⴳⵍⵉ ⴳ ⴽⵕⴰⴹⵜ ⵜⵜⵉⵇⵏⵉⵢⵉⵏ : ⵜⴰⵜⵉⵇⵏⵉⵜ ⵏ ⵓⵥⵟⵟⴰ ⵏⵓⵎⴰⵕ ⵉⴳⵔⵜⴰⵍ, ⵜⴰⵜⵉⵇⵏⵉⵜ ⵏ ⵓⵄⴳⴳⴹ ⴷ ⵓⴹⵕⴰⵚ ⵉ ⵜⵙⴽⵔⵉⵡⵜ ⵏ ⵜⴰⵣⵣⵢⴰⵡⵉⵏ ⵏⵖ ⵜⴰⵔⵔⵢⴰⵍⵉⵏ ⵏⵖ ⵜⵉⵙⴽⵏⴰ, ⴷ ⵜⵜⵉⵇⵏⵉⵜ ⵏ ⵜⴳⵏⵉ ⵉ ⵜⵙⴽⵔⵉⵡⵜ ⵉⵔⵓⴽⵓⵜⵏ.
ⵜⴳⴰ ⵜⵙⵏⵉⴳⵉⵏ ⵉⵣⴷⵉⵏ ⴰⴽⴷ ⵜⴰⵣⵣⵓⵍⵉⵏ ⵏ ⵓⵡⵡⵔⵢ ⴰⵢⴷⴰ ⴰⵏⴰⵎⵓⵔ ⵉⴷⴷⵔⵏ ⴰⵇⵇⴱⵓⵔ ⵉⵜⵜⵏⴰⵖⵏ ⴰⴽⴷ ⵜⴼⴰⴷⵉⵡⵉⵏ ⵏ ⵜⵊⵍⵉ ⴷ ⵢⵉⵛⵛⴽⵉ, ⵎⵛⵉⵙ ⵉⴳⴰ ⴰⵙⴰⴳⵎ ⵉⵙⵜⴰⵡⵀⵎⵎⴰⵏ ⵉ ⵡⴰⴷⴰⴼ, ⴷ ⵡⵓⴳⴳⴰⵔ ⵏ ⵓⵢⴰ ⵎⵉⵏ ⵖⵔⵙ ⵉⵇⵇⵏ ⵏ ⵜⵏⴷⵉⵜⵉⵏ ⴷ ⵜⵎⵙⴽⵉⵔⵉⵏ ⴷ ⵉⵏⵙⴰⵢⵏ ⴷ ⵜⵡⵏⵏⵉⵜⵉⵏ ⵜⵉⵎⵉⵡⴰⵉⵏⵉⵏ ⵉⵎⵢⴰⵏⴰⵡⵏ.