ⵜⵉⵙⵏⵉⴳⵉⵏ ⵏ ⵓⵥⵟⵟⴰ ⵏ ⵓⵃⵔⵓⵢ ⴷ ⵓⵥⵏⵏⴰⵕ ⴷⵉ ⴼⵉⴳⵉⴳ
ⴽⵓⵙⴰⵏⵜ ⵜⵙⴷⵏⴰⵏ ⵏ ⵜⵖⵍⵉⵡⵉⵏ ⴷ ⵉⵖⵔⵎⴰⵏ ⵏ ⴼⵉⴳⵉⴳ, ⵙⴳ ⵜⵙⵓⵜⵉⵏ, ⵜⵉⵎⵓⵣⴰⵢ ⴷ ⵜⵙⵏⵉⴳⵉⵏ ⴳ ⵢⵉⴳⵔ ⵏ ⵜⵥⵟⵉ ⵏ ⵉⴳⵣⵣⵓⵎⵏ ⵏ ⵡⴰⵕⵕⵓⴹ ⵉⵥⵍⵉⵏ, ⵙⴳ ⴷⵉⴳⵙⵏ ⴰⵃⵏⴷⵉⵔ ⵏ ⵜⵎⵟⵟⵓⴹⵜ, ⴷ ⵓⵥⵏⵏⴰⵕ ⵏ ⵓⵔⴳⴰⵣ.
ⵉⴳⴰ ⵓⵃⵏⴷⵉⵔ ⴰⴼⵉⴳⵉⴳⵉ ⵢⴰⵜ ⵜⵃⵜⵜⴰⵡⵜ ⵜⵓⵏⵣⵉⵖⵜ ⵏ ⵜⴰⴹⵓⴼⵜ ⵜⴰⵎⵍⴰⵍⵜ, ⴰⵔ ⵜⴻⵜⵜⴰⵡⴹ ⵜⴰⵖⵣⵉ ⵏⵏⵙ ⵏⴳⵔ ⵙⵎⵎⵓⵙ ⴷ ⵚⴹⵉⵚ ⵏ ⵉⴷ ⵎⵉⵜⵔⵓ ⴷ ⵓⵔ ⴷⴰ ⵜⴻⵜⵜⴳⴳⵣ ⵜⴰⴼⵍⵉⵜ ⵏⵏⵙ ⵉ ⵙⵉⵏ ⵉⴷ ⵎⵉⵜⵔⵓ ⴷ ⵓⵣⴳⵏ, ⴷⴰ ⵜ ⵜⵖⵏⵏⵙ ⵜⵎⵟⵟⵓⴹⵜ ⵜⵜⴰⴼ ⴰⴷ ⵉⴷⵍ ⵜⴰⴼⴳⴳⴰ ⵏⵏⵙ ⵎⴰⵕⵕⴰ ⵙⴳ ⵓⴼⵍⵍⴰ ⵏⵏ ⵉⵖⴼ ⴰⵔ ⵉⴷⴰⵙⵉⵍⵏ ⵏⵏⵙ. ⴷⴰ ⵉⵜⵜⵓⵥⵟⴰ ⵓⵃⵏⴷⵉⵔ ⵙ ⵜⴰⴹⵓⴼⵜ ⵉⵍⴰ ⵜⴰⵙⵎⴽⵜⴰ ⵉⵖⵓⴷⴰⵏ ⴷ ⵉⵜⵜⵓⵍⵙⴰⵏ ⵙⴳ ⵡⵓⵍⵍⵉ ⵏ ⵜⵎⵏⴰⴹⵜ ⵏ ⴱⵓⵄⵕⴼⴰ, ⴷ ⴱⵔⴳⵎ, ⴷ ⵄⵉⵏ ⴱⵏⵉ ⵎⵟⵉⵕ, ⴷ ⵜⴰⵏⴷⵔⴰⵔⴰ. ⵍⴳⴳⵯⴰⵖⵏ ⵉⵎⴷⵢⴰⵜⵏ ⵉⵥⵍⵉⵏ ⵉ ⵢⵉⵕⴹ ⵏ ⵡⵓⵙⵙⴰⵏ ⵏ ⵜⵔⵖⵉ, ⵎⴰⴽⴰ ⵉⵎⴷⵢⴰⵜⵏ ⵉⵜⵜⵓⵙⵎⵔⴰⵙⵏ ⴳ ⵡⵓⵙⵙⴰⵏ ⵓⵚⵎⵎⵉⴹ ⵃⵕⵛⵏ.
ⵉⴷ ⴰⵥⵏⵏⴰⵕ ⵉⴳⴰ ⵢⴰⵏ ⵡⴰⵔⴰⵚⵎⵉⴹ ⴰⵣⴳⵔⴰⵔ ⵉⵖⵎⵙⵏ ⵙⴳ ⵉⵖⴼ, ⴷ ⵓⵔ ⵉⵍⵉ ⴰⴳⵍⵎⵓⵙ. ⵡⴰⴷ ⵎⴰⵕⵕⴰ ⵉⵛⵏⴰⵏ ⴳ ⵓⵥⵏⵏⴰⵕ ⴰⴼⵉⴳⵉⴳⵉ ⵡⵏⵏⵉ ⵎⵎⵉ ⵉⴳⴰ ⵓⴽⵍⵓ ⵏ ⵜⴰⴹⵓⴼⵜ ⵏⵏⵙ ⴰⴱⵔⵔⴽⴰⵏ.
ⴷⴼⴼⵔ ⵎⵉⵏ ⵍⵙⴰⵏ ⵉⵔⴳⴰⵣⵏ ⵜⴰⴹⵓⴼⵜ, ⴷⴰ ⵙⵙⵏⵜⵉⵏⵜ ⵜⵙⴷⵏⴰⵏ ⴳ ⵜⵔⴰⴷⴰ ⵏⵏⵙⵙ ⵎⵉⵏ ⵉⵎⵙⴰⵙⴰⵏ ⴰⴽⴷ ⵉⵏⵙⴰⵢⵏ ⵉⵥⵍⵉⵏ, ⴳ ⵜⵜⵉⵍⵉⵏ ⵢⵉⵔⵉⵔⵏⵏ ⴰⵏⴰⵥⵓⵕⵏ ⴷ ⵡⴰⵍⴰⵙⵏ, ⵣⵣⴰⵜ ⴰⴷ ⵜⵜⵓⴼⵙⴰⵔ ⵙⴷⵓ ⵏ ⵜⴼⵓⴽⵜ ⵃⵎⴰⴷ ⴰⴷ ⵜⵣⵡⵓ ⵜⴻⵜⵜⵓⵙⵉⴽⴽ ⵜⵍⵍⵎ ⵜⴼⵙⵓ ⴷ ⵜⵥⵟⵉ ⵙ ⵓⵙⵎⵔⵙ ⵏ ⵉⴼⴳⴳⴰⴳⴰⵏ ⵉⵇⴱⵓⵔⵏ. ⵉⴽⴽⴰ ⵜⵜ ⵏ ⵡⴰⵎⵓⵏ ⵉⵔⵓⴰⵔ ⵜⴰⵖⴹⴼⵜ ⵛⵉⴳⴰⵏ ⵙ ⵜⵙⵏⵉⴳⵉⵏ ⵉⵇⵇⵏⵏ ⴰⴽⴷ ⵓⵥⵟⵟⴰ ⵏ ⵜⴰⴹⵓⴼⵜ. ⴷ ⵉⴽⴽⴰ ⵜⵜ ⵏⵏ ⵓⵎⵔⵡⴰⵙ ⵏ ⵜⵙⵍⵉⵜ ⴷⴰ ⵉⵜⵜⵓⵙⵡⵜⵜⵓ ⵙ ⵜⵣⵎⵔⵜ ⵏⵏⵙ ⴳ ⵜⵓⵙⵙⵏⴰ ⵏ ⵇⵇⴰⵃ ⵜⵉⴼⵔⴽⵉⵡⵉⵏ ⵏ ⵜⵙⴽⵔⵉ ⵏ ⵜⴰⴹⵓⴼⵜ ⴷ ⵓⵥⵟⵟⴰ ⵏ ⵓⵃⵏⴷⵉⵔ ⴷ ⵓⵥⵏⵏⴰⵕ.
ⵙ ⵎⵉⵏ ⵉⵙⵙⵏ ⵡⴰⵎⵓⵏ ⴰⵎⵖⵔⴰⴱⵉ ⵏ ⵉⵙⵏⴼⵍⵏ, ⵢⴰⵖⵓⵍ ⵢⵉⵕⴹ ⵏ ⵓⵃⵏⴷⵉⵔ ⴷ ⵓⵥⵏⵏⴰⵕ ⵉⴱⴷⴷⴰ ⵖⴰⵙ ⵖⵓⵔ ⵉⵡⵙⵙⴰⵔⵏ ⵙⴳ ⴰⵢⵜ ⵜⵎⵏⴰⴹⵜ. ⵙⵎⴰⵏ ⴰⵢⴰ, ⴷⵉ ⵢⴰⵜ ⵜⵙⵏⵜⴰⵢⵜ ⵏ ⵓⵙⴷⵡⵍ ⵏ ⵡⴰⴷⴷⵓⵔ ⵉ ⵡⴰⵕⵕⵓⴹ ⴰⴷ ⴰⵇⴱⵓⵔ ⴷ ⵓⵙⵙⵎⵖⵉ ⵏ ⵜⵓⴷⵔⵜ ⴳ ⵡⴰⵏⴰⵡ ⴰⴷ ⵏ ⵓⵥⵟⵟⴰ, ⴳⴳⴰⵏⵜ ⵜⵎⵏⵉⴹⵏ ⵏ ⵜⵎⵏⴰⴹⵜ ⵏ ⴼⵉⴳⵉⴳ ⵙ ⵓⵙⵎⵔⵙ ⵏ ⵉⴽⵯⵍⴰⵏ ⵉⵎⴰⵢⵏⵓⵜⵏ, ⴰⵙⵎⵓⴳⵔ ⵏ ⵏ ⵓⵥⵏⵏⴰⵕ ⵉⵥⵍⵉⵏ ⵙ ⵜⵙⴷⵏⴰⵏ, ⵓⵖⵓⵍⵏⵜ ⵜⵃⵏⵊⵉⵔⵉⵏ ⵙⵉⴷⵔⵏⵜ ⴰⵕⵕⵓⴹ ⵏ ⵉⴷ ⵉⵎⵎⴰ ⵃⵍⵍⵓ.