ⴰⵏⵙⴰ ⵏ ⴱⴰⵏⴰⵚⴰ ⴰⴷⵔⵣⴰⵏ
ⵢⵓⵙⴰ ⴷ ⵡⴰⵏⵙⴰ ⵏ ⴱⵏⴰⵚⴰ ⴰⴷⵔⵣⴰⵏ ⵖⴼ ⵜⵓⴳⴳⵊⵜ ⵏ ⵡⴰⵜⵜⴰⵢⵏ ⵏ 17 ⴽⵉⵍⵓⵎⵉⵟⵕ ⴳ ⵓⵖⵍⵍⵓⵢ ⵏ ⵜⵎⴷⵉⵏⵜ ⵏ ⵓⵙⵏⴼⴰⵔ ⵏ ⴱⵍⵇⵚⵉⵕⵉ, ⴳ ⵜⵓⵥⵥⵎⵜ ⵏ ⵏ ⵓⵣⴰⵖⴰⵔ ⵏ ⵍⵖⵍⵍⵓⵢ ⵖⴼ ⵓⴳⵎⵎⴰⴹ ⴰⵣⵍⴳⵉ ⵏ ⵡⴰⵙⵉⴼ ⵙⴱⵓ ⵏⵏⴰ ⵜⵜ ⵏⵏ ⵉⴽⴽⴰⵏ ⵣⵉⴽⴽ ⵉⵖⵓⴷⴰ ⵉ ⵜⵢⵍⴰⵏⵜ ⵙ ⵎⵉⵏ ⴷ ⵜⵓⵡⵉ ⵜⵓⵍⵍⵉⵙⵜ ⵏ ⵓⵏⵎⵣⵔⵓⵢ ⴰⵡⵍⴰⵜⵉⵏⵉ ⴱⵉⵍⵉⵏⵢⵓⵙ ⵛⵛⵉⵅ ( ⴰⵙⴳⴳⵯⴰⵙ ⵏ 70 ⴳ ⵜⵍⴰⵍⵉⵜ).
ⵓⴼⴰⵏ ⵡⵓⵖⵓⵣⵏ ⵉⴷⵔⵣⴰⵏⵏ ⵉⵇⴱⵓⵔⵏ ⵏⵏⴰ ⵉⵜⵜⵓⴳⵏⵏ ⴳ ⵡⴰⵏⵙⴰ ⵜⵓⴳⵜⵜ ⵏ ⵉⵎⴰⵙⵙⵏ ⵉⵎⵢⴰⵏⴰⵡⵏ ⵍⵍⵉ ⵉⵜⵜⵓⵙⴽⴰⵔⵏ ⵖ ⵓⵥⵕⵓ ⵏ ⵜⵏⵉⵛⵛⴰ ⵍⵍⵉ ⵉⵙⴽⴰⵏⵏ ⵎⴰⵙ ⴷ ⴰⵣⴷⵓⵖ ⴰⴽⴽⵯ ⵉⵇⵇⴱⵓⵔⵏ ⴳ ⵡⴰⵏⵙⴰ ⵍⵍⴰ ⵉⵜⵜⴰⵖⵓⵍ ⵖⵔ ⵜⵉⵣⵉ ⵏ ⴷⴰⵜ ⵓⵎⵣⵔⵓⵢ.
ⵉⵍⵍⴰ ⵎⴰⴷ ⵉⵜⵜⵉⵖⵉⵍⵏ ⴰⵍⵜⵓ ⵙ ⵉⴱⴷⴷⵉ ⵖⴼ ⵜⵓⴳⵜⵜ ⵏ ⵜⴱⵓⵇⵇⴰⵍⵉⵏ ⵏ ⵜⴰⵊⵊⴰⵊⵉⵏ ⴷ ⵜⵣⵓⵣⴰⴼ ⵉⵍⴰⵏ ⵓⴹⵓⵚⵏ ⵉⴼⵉⵏⵉⵇⵉⵢⵏ ⵎⴰⵙ ⴷ ⴰⵎⵎⴰⵙ ⴰⴷ ⵉⴽⴽⴰ ⵜⵜ ⵏ ⵎⴰⴳ ⵜ ⵜⵣⴷⵉ ⵜⵎⵢⴰⵇⵇⴰⵏⵜ ⵏ ⵜⵙⴱⴱⴰⴱⵜ ⴰⴽⴷ ⵡⴰⵎⵎⴰⵙⵏ ⵏⵏⵉⴹ ⴷⵉ ⵓⴳⵯⵍⵎⴰⵎ ⵏ ⵢⵉⵍⵍ ⴰⵛⵎⵍⴰⵍ ⴰⵏⴰⵎⵎⴰⵙ ⵣⵉ ⵜⵉⵣⵉ ⵏ ⵉⴼⵉⵏⵉⵇⵉⵢⵏ, ⴰⵢⵏⵏⴰ ⵉⵜⵜⴳⵏ ⴷⴰⵜ ⵜⵙⵓⵜⴰ ⵜⵉⵙ ⵙⵎⵎⵓⵙⵜ ⵏ ⴷⴰⵜ ⵜⵍⴰⵍⵉⵜ, ⴷⴼⴼⵔ ⴰⵎⵣⵔⵓⵢ ⴰⴷ ⴳ ⵜⵙⵓⵜⴰ ⵜⴰⴱⵓⵏⵉⵜ.
ⴳ ⵜⵉⵣⵡⵓⵔⵉ ⵏ ⵜⵙⵓⵜⴰ ⵜⵉⵙ ⴽⴽⵓⵥⵟ ⴰⵔ ⵜⴰⵙⵓⵜⴰ ⵜⴰⵎⵣⵡⴰⵔⵓⵜ ⵏ ⴷⴰⵜ ⵜⵍⴰⵍⵉⵜ, ⵉⵙⵙⵏ ⵡⴰⵏⵙⴰ ⵉⵍⵉ ⵉⵙⴰⴽⵯⵏⵏ ⵏ ⵉⴷⵇⵇⵉ ⴽⴰⵏ ⵜⵜ ⵏⵏ ⵍⵍⴰ ⵙⵢⴰⴼⵓⵏ ⵉⵎⵜⵜⵉⵡⵏ ⵉⵏⴳⴰⵔⴰⵏ ⵣⵓⵏ ⴷ ⵜⵉⴱⵓⵇⵇⴰⵍⵉⵏ ⴷ ⵉⵔⵓⴽⵓⵜⵏ ⵙⴳ ⵉⴷⵇⵇⵉ ⵉⵖⵎⴰⵏ ⴷ ⵉⴷⵇⵇⵉ ⴰⴼⵔⴰⵔ ⴷ ⴽⵔⴰ ⵢⴰⴹⵏ. ⴽⵔⴰ ⵣⵣⵖ ⵉⵔⵓⴽⵓⵜⵏ ⴰⴷ ⴽⵙⵉⵏ ⵓⴹⵓⵚⵏ ⵙⴳ ⵉⴷⵇⵇⵉ ⴰⵕⵓⵎⴰⵏⵉ. ⵎⴰⵛⴰ ⴰⴷⵔⵉⵣⵏ ⵏ ⵜⵓⵥⴽⴰ ⵜⴰⵇⴱⵓⵔⵜ ⴷⵉ ⵡⴰⵏⵙⴰ ⵉⴳⴰ ⵙⴳ ⵜⵓⵚⴽⴰⵡⵉⵏ ⵏ ⵍⴳⴰⵊⵓⵕ ⵉⵇⵓⵔⵏ ⵉⵜⵜⴰⵖⵓⵍⵏ ⵖⵔ ⵜⵙⵓⵜⴰ ⵜⵉⵙ ⴽⵕⴰⴹⵜ ⵏ ⴷⴰⵜ ⵜⵍⴰⵍⵉⵜ.
ⴷⵉ ⵜⵉⵣⵉ ⵉⵟⵟⴼⵏ ⵏⴳⵔ 33ⴷ 27 ⵏ ⴷⴰⵜ ⵜⵍⴰⵍⵉⵜ, ⵜⴷⵡⵍ ⵜⵎⴷⵉⵏⵜ ⵜⴰⵎⵓⵔⵉⵢⵜ ⴷ ⴰⵣⴷⵓⵖ ⴰⵕⵓⵎⴰⵏⵉⵢ ⵉⴽⵙⵉⵏ ⵉⵙⵎ ⵏ ⵢⵓⵍⵢⴰ ⴼⴰⵍⵉⵏⵜⵉⵢⴰ ⴱⴰⵏⴰⵚⴰ. ⴷ ⵉⵙⵓⵍ ⵓⴷⵔⵉⵣ ⵏ ⵜⵣⴷⵓⵖⵜ ⴰⴷ ⵉⵇⵇⵉⵎⴰ ⵓⵔ ⵜⴰ ⵜⵜⵢⴰⴽⵣⵏⵜ ⵜⴼⵔⴰⵙ ⵏⵏⵙ ⴰⵔ ⵖⵉⵍⴰⴷ, ⴷ ⵓⵔ ⵉⴽⴽⵓⵍ ⵓⵏⴳⵔⴰⵡ ⵓⵚⴽⵉⵡ ⵏ ⵓⵙⵓⵏ ⴰⴳⴷⵓⴷⴰⵏ ⵏ ⵜⵎⴷⵉⵏⵜ ⴰⴷ ⴰⴷ ⵉⴷⵡⵍ ⵖⵔ ⵜⵉⵣⵉ ⴰⴷ.
ⵖⵓⵔ ⵜⵉⵣⵡⵓⵔⵉ ⵏ ⵓⵏⴱⴰⴹ ⵏ ⵓⵎⵏⴽⵓⴷ ⵎⴰⵕⴽ ⵓⵕⵓⵍⵢⵓⵙ, ⵜⴰⵖⵓⵍ ⴱⴰⵏⵚⴰ ⴷ ⵜⴰⵎⵙⴷⵓⵔⵔⵉⵜ ⵜⴰⵡⵔⴱⵉⵍⵜ ⵜⵇⵇⵉⵎ ⴰⵀⴰ ⵙⴳ ⴰⵎⵏ ⴷ ⴰⵎⵎⴰⵙ ⵉⴱⵓⵖⵍⴰⵏ ⴰⵔ ⵉⵡⵜⵜⴰ ⵏ ⵓⵙⴳⴳⵯⴰⵙ ⵏ 285 ⴷ ⵜⵍⴰⵍⵉⵜ ⴷⵔⵓⵖ ⴷⴷ, ⵏⵏⴰ ⵉⵎⵢⴰⴽⵓⴷⵏ ⴰⴽⴷ ⵜⵕⵓⵥⵉ ⵏ ⵜⵎⵙⵙⵓⴳⵓⵔⵜ ⵜⴰⵕⵓⵎⴰⵏⵉⵜ ⵙⴳ ⵜⵎⵏⴰⴹⵜ ⴷ ⵢⵓⵙⵉⵏ ⴷⵉ ⵉⴼⴼⵓⵙ ⵏ ⵡⴰⵙⵉⴼ ⵏ ⵍⵍⵓⴽⵓⵙ.
ⴰⵔ ⵙⵄⵏⴰⵜⵏ ⴽⵔⴰ ⵏ ⵢⵉⴼⵉⵜⵏ ⴰⴷⵔⵣⴰⵏ ⵏⵏⴰ ⵉⵜⵜⴰⵖⵓⵍ ⵖⵔ ⵜⵙⵓⵜⴰ ⵜⵉⵙ ⴽⴽⵓⵥⵜ ⴳ ⵜⵍⴰⵍⵉⵜ ⵎⴰⵙ ⵉⵙⵓⵍ ⵓⵙⵣⴷⵖ ⴳ ⵡⴰⵏⵙⴰ ⵏ ⴱⴰⵏⵚⴰ ⴷⴼⴼⵔ ⵎⵉⵏ ⵜⵕⵥⴰ ⵜⵎⵙⵙⵓⴳⵓⵔⵜ ⵏ ⵕⵕⵓⵎⴰⵏ ⴰⵔ ⵉⵡⵜⵜⴰ ⵏ ⵜⵉⵣⵉ ⵜⴰⵏⵙⵍⵎⵜ ( ⵜⴰⵙⵓⵜⴰ ⵜⵉⵙ ⵙⵏⴰⵜ ⴷ ⵎⵔⴰⵡⵜ), ⴰⵎ ⵓⵢⵏⵏⴰ ⵎⵎⴰⵍⵏ ⵉⴼⵔⵓⵔⵓⵢⵏ ⵉⴷⵔⵣⴰⵏⵜ ⴷ ⵉⵎⵜⵜⵉⵡⵏ ⵏ ⵉⴷⵇⵇⵉ ⵉⵜⵜⵢⴰⴼⴰⵏ ⴷⵖⵉ ⴳ ⵓⵙⵓⵏ ⵏ ⵉⴼⴼⵓⵙ, ⵛⵡⵉ ⵉⴷⵡⵍ ⵡⴰⵏⵙⴰ ⴷ ⴰⵏⵙⴰ ⵏ ⵓⵔⵣⴰⴼ ⵏ ⵢⵉⴰⵎⵏ ⴳ ⵍⵍⴰⵏ ⴽⵕⴰⴹ ⵉⴷⴱⵏⴰⵏ ⵡⴰⵍⵍⵉ ⴳⵉⵙ ⵉⵙⵜⴰⵡⵀⵎⵎⴰⵏ ⴷ ⴰⴷⴱⵏⵉ ⵏ ⵙⵉⴷⵉ ⵄⵍⵉ ⴱⵓⵊⵏⵓⵏ ⵏⵏⴰ ⵉⵙⵓⵍⵏ ⴷⴰ ⵉⵙⵏⴱⴳⵉⵏ ⴰⵟⵟⴰⵚ ⵉⵎⵔⵣⴰⴼⵏ.
ⵉⴼⵔⴷⵉⵙⵏ ⵏ ⵡⴰⵏⵙⴰ
ⵥⴹⴰⵕⵏ ⵡⵓⵖⵓⵣⵏ ⵍⵍⵉ ⵉⵜⵜⵡⴰⴳⵏ ⴷⵉ ⵡⴰⵏⵙⴰ ⴰⴷ ⵏⴳⵔ ⵉⵙⴳⴳⵯⴰⵙⵏ ⵏ 1933 ⴷ 1956 ⴰⴷ ⵢⵉⵍⵉ ⵢⵉⴼⵉ ⵏ ⵓⵏⴰⵖⵉⵣ ⵏ ⵓⵣⴷⵓⵖ ⴰⵏⴰⴼⴳⴰⵏ ⴳ ⵜⵉⵣⵉ ⵜⴰⵎⵓⵔⵉⵢⵜ ⵓⵍⴰ ⵜⵓⵚⴽⵉⵡⵉⵏ ⵏⵏⴰ ⵉⵜⵜⵓⵙⴱⴷⴷⴰⵏ ⴳ ⵜⵉⵣⵉ ⵜⴰⵕⵓⵎⴰⵏⵉⵜ. ⵎⴰⵛⴰ ⵓⵖⵓⵣⵏ ⵉⵎⵖⵔⴰⴱⵉⵢⵏ ⴷ ⵉⴼⵕⴰⵏⵚⵉⵚⵏ ⴳ ⵡⴰⵏⵙⴰ ⵏⵏⴰ ⵉⵜⵜⵓⴳⵏ ⵖⴼ ⵉⵔⴰⴷⴰⴱⵏ ⵉⵍⴰⵏ ⵓⵏⵓⵖⵏ ⵏ ⵉⴳⵓⴷⴰⵔ ⴷ ⵓⵙⵓⵏ ⵏ ⵓⴼⴼⵓⵙ ⵓⵡⵉⵏ ⴷ ⵉⵙⵉⵏ ⵏ ⵉⵙⴼⴽⴰ ⵉⵎⴰⵢⵏⵓⵜⵏ ⵖⴼ ⵓⵎⵣⵔⵓⵢ ⵏ ⵜⵎⴷⵉⵏⵜ ⴷ ⵢⵉⴼⵉ ⵏ ⵛⵉⴳⴰⵏ ⵏ ⵉⴼⵔⵓⵔⵓⵢⵏ ⵉⵙⵜⴰⵡⵀⵎⵎⴰⵏ ⵏⵉⴷⵇⵇⵉ.
ⵜⴻⵜⵜⵓⵙⵏⴰⵎⴰⵍ ⵜⵎⴷⵉⵏⵜ ⵜⴰⵕⵓⵎⴰⵏⵉⵜ ⵙ ⵜⵍⵖⴰ ⵏ ⵓⵙⵖⵉⵡⵙ ⵉⵎⵣⴰⵔⴰⵢⵏ ⵉⴱⴹⴰ ⵙⴳ ⵓⴱⴰⵔⴰⵣ ⴰⴳⴷⵓⴷⴰⵏ ⵉⵙⵙⵓⵜⵍ ⴰⵙ ⵢⴰⵏ ⵓⴱⵔⵉⴷ ⵙⴳ ⵜⵙⴳⴰ ⵏ ⵓⵏⵇⵇⴰⵔ ⴷ ⵜⵉⵏ ⵓⵖⵍⵍⵓⵢ ⴷ ⵓⵙⵓⵎⵖ ⵢⵓⵎⴰⵏ ⵚⴹⵉⵚⵜ ⵏ ⵜⵎⵚⵕⵉⵢⵉⵏ ⴳ ⵜⵙⴳⴰ ⵜⴰⵢⴼⴰⵙⵜ. ⴷⵉ ⵓⴼⴰⴳⴰⵢ ⴰⵔ ⵏⵜⵜⴰⴼⴰ ⵜⴰⵏⵙⴱⴹⴰⵢⵜ, ⵖⵎⴽⵍⵍⵉ ⴰⵙ ⵉⵜⵜⵓⵙⵓⵜⵍ ⵓⵖⵔⴰⴱ ⵉ ⵜⵎⴷⵉⵏⵜ ⵉⵜⵜⵓⵙⴱⴷⴷⴰ ⴷⵉ ⵜⵙⵓⵜⴰ ⵜⵉⵙ ⵙⵏⴰⵜ ⵏ ⵜⵍⴰⵍⵉⵜ.
ⵎⴰⴽⴰ ⴰⵙⵓⵏ ⵏ ⵉⴼⴼⵓⵙ ⵏⵜⵜⴰⵏ ⵉⵜⵜⵓⵚⴰⴽ ⵙ ⵜⵏⵉⵍⴰ ⵉⵎⵣⴳⴰⵍⵏ ⴰⴽⴷ ⵜⴼⵔⴷⵉⵙⵉⵏ ⵜⵓⵥⴽⴰⵡⵉⵏ ⵏⵏⵉⴹ ⵏ ⵜⵎⴷⵉⵏⵜ, ⵉⵍⴰ ⵜⵓⴳⴳⵜ ⵏ ⵜⵓⵚⴽⴰⵡⵉⵏ ⵜⵉⴳⴷⵓⴷⴰⵏⵉⵏ ⴰⴷ ⵏⴱⴷⵔ ⵣⵣⵉⴳⵙⵏⵜ ⴰⵙⵓⵎⵖ ⵏ ⵉⴼⴼⵓⵙ ⴷ ⵜⵙⵔⴰⴼⵜ ⵏ ⵉⵎⵏⴷⵉ. ⵎⴰⵛⴰ ⴰⵙⵓⵏ ⵏ ⵓⵖⵍⵍⵓⵢ ⵏⵏⴰ ⵉⴼⵍⵢ ⵓⵖⵍⴰⴷ ⴰⴷⵙⵍⴰⵏ, ⵉⵜⵜⵓⵙⵜⴰⵢ ⵙ ⵜⴰⴷⴷⵔⵡⵉⵏ ⵏⵏⵙ ⵉⵖⵓⴷⴰⵏ ⵉⵍⴰⵏ ⵉⵙⴽⵏⵓⵜⵏ ⵣⵓⵏ ⴷ ⵜⴰⴷⴷⴰⵔⵜ ⵏ ⴼⵉⵏⵓⵙ ⵏⵏⴰ ⵜⵜ ⵏⵏ ⵉⴽⴽⴰⵏ ⵜⴻⵜⵜⵓⵕⵛⴰⵎ ⵙ ⵜⴼⵍⵡⵉⵏ ⵜⵉⵎⴷⴷⴰⵙⵉⵏ ⵉⵍⴰⵏ ⵉⴳⵣⴰⵢⵏ ⵉⵎⵢⴰⵏⴰⵡⵏ ⴰⵎ ⵜⵉⴷⴷⴰⵙ ⵏ ⴼⵉⵏⵓⵙ. ⵙⵡⵜⵜⵓⵏⵜ ⴰⵖⵍⴰⴷ ⴰⴷⵙⵍⴰⵏ ⵉⵍⵍⴰ ⵜⴰⵎⴰ ⵏ ⵓⵙⵓⵏ ⴰⴷ ⴷ ⴰⵔ ⴰⵙⵓⵏ ⴰⴳⴷⵓⴷⴰⵏ ⵍⵍⴰⵏ ⵡⴰⵟⵟⴰⵚ ⵏ ⵜⵃⵓⵏⴰ ⴷ ⵜⵓⵚⴽⴰⵡⵉⵏ ⵏ ⵉⵏⵉⴹⴰⵏ.
ⴳ ⵓⵇⵛⵛⵓⵔ ⵏ ⵓⴳⴰⴼⴰⵢ ⵏ ⵓⴱⴰⵔⴰⵣ ⵏ ⴰⴳⴷⵓⴷⴰⵏ, ⵉⵍⵍⴰ ⵖⵉⵏⵏⴰ ⴽⵔⴰ ⵏ ⵜⴼⵔⴷⵉⵏ ⵉⵜⵜⵓⵙⵏⵎⴰⵍⴰⵏ ⵙ ⵜⵍⵖⴰ ⵉⵎⵣⵔⴰⵢⵏ ⵜⵓⵎⴰ ⵜⵉⵏⵓⴼⴰ ⵏ ⵜⵏⵉⴹⵉ ⵏⵏⵉⴹ ⵣⵓⵏ ⴷ ⵉⴼⵕⵕⴰⵏⵏ ⴷ ⵡⴰⵏⴷⵓⵔⵏ ⵏ ⵓⵣⵎⵎⵓⵔ.
ⵉⴷⴷ ⵜⵉⴳⵎⵎⴰ ⵏ ⵓⵙⵓⵏ ⵉⵍⵍⴰⵏ ⴳ ⵓⴳⴰⴼⴰⵢ ⵉⵍⴰ ⵉⴱⵔⴷⴰⵏ ⵙ ⵉⵙⴽⵏⵓⵜⵏ ⵜⴰ ⴷ ⴳⵓⵉⵙⵏ ⵉⵙⵜⴰⵡⵀⵎⵎⴰⵏ ⴷ ⵜⵉⴳⵎⵎⵉ ⵏ ⵓⵙⵓⵏ ⵏ ⵍⵎⴰⵙⵉⵍⵓⵎ ⵏⵉⵖ ⴰⴳⴰⴷⴰⵣ ⵏ ⵜⵙⴱⴱⴰⴱⵜ, ⵉⴽⴽⴰ ⵜⵜ ⵏⵏ ⵡⴰⴽⴰⵍ ⵏⵏⵙ ⵉⵜⵜⵓⵕⵛⴰⵎ ⵙ ⵜⴼⵍⵡⵉⵏ ⵜⵉⵎⴷⴷⴰⵙⵉⵏ ⵎⵉ ⵉⵎⵢⴰⵏⴰⵡⵏ ⵉⴽⵯⵍⴰⵏ.
ⴳ ⵎⵉⵏ ⵉⵇⵇⵏⵏ ⵖⵔ ⵉⵔⴰⴷⴰⴱⵏ ⵉⴳⴷⵓⴷⴰⵏⵏ ⵏ ⵜⵎⴷⵉⵏⵜ ⵏ ⴱⴰⵏⴰⵚⴰ ⵍⴰⵏ ⴽⵔⴰ ⵏ ⵓⵎⴰⵎⴽ ⵉⴼⵔⵔⵣⵏ ⵓⵔ ⵉⵎⵣⴰⵔⴰⵢⵏ ⵖⴼ ⵓⵎⴰⵎⴽ ⵏ ⵉⵔⴰⴷⴰⴱⵏ ⵉⵕⵓⵎⴰⵏⵉⵢⵏ ⵏⵏⵉⴹⵏ. ⴳⴰⵏ ⵓⵢⴷⴷⵖ ⵏ ⵉⵔⴰⴷⴰⴱⵏ ⵉⵍⴰ ⵓⵏⵓⵖⵏ ⴳ ⵉⴳⵓⴷⴰⵔ ⵢⴰⵜ ⵙⴳ ⵜⵉⵎⵜⴰⵔ ⵉⵙⵜⴰⵡⵀⵎⵎⴰⵏ ⵏⵏⴰ ⵙ ⵜⴻⵜⵜⵢⴰⴼⴰ ⵢⴰⵜ ⵙⴳ ⵜⴼⵍⵡⵉⵏ ⵜⵉⵎⴰⴷⴷⴰⵙⵉⵏ ⴷ ⵉⵖⵎⴰⵏ ⵏ ⵉⴳⵓⴷⴰⵔ.
ⵙ ⵓⵢⴰ ⴳⴰⵏ ⵢⵉⴼⵉⵜⵏ ⵉⵕⴽⵓⵍⵓⵊⵉⵢⵏ ⵏⵏⴰ ⵉⵜⵜⵢⴰⴼⴰⵏ ⵙ ⵡⵓⵖⵓⵣⵏ ⴳ ⵡⴰⵏⵙⴰ ⵙⴳ ⵉⴳⵣⴰⵢⵏ ⴷ ⵉⵙⴼⵔⵉⵙⵏ ⴷ ⵉⵎⵜⵜⵉⵡⵏ ⵏ ⵉⴷⵇⵇⵉ ⴷ ⵜⵣⵓⵣⴰⴼ ⵣⵣⵖ ⵜⵓⴳⴳⵜ ⵏ ⵜⵏⵜⵜⴰⵎⵉⵏ ⵜⵉⴽⵎⴰⵎⵉⵏ ⵍⵍⵉ ⵉⴳⴰⵏ ⵢⴰⵜ ⵜⴳⵎⵉⴹ ⵉⵙⵜⴰⵡⵀⵎⵎⴰⵏ ⵖ ⵜⴳⵔⵓⵎⵎⴰ ⵜⴰⵙⵏⵏⵉⵖⵜ ⵉⵜⵜⵡⴰⵃⴹⴰⵏ ⴷⵉ ⵜⵙⵏⵏⵉⵖⵜ ⵜⴰⴷⵔⵣⴰⵏⵜ ⵏ ⵕⵕⴱⴰⵟ. ⵉⴷⴷ ⵓⵖⵓⵣⵏ ⵉⵜⵔⴰⵔⵏ ⵍⵍⵉ ⵓⵜⵜⵓⴳⴰⵏ ⵖ ⵓⵙⵓⵏ ⵏ ⵉⴼⴼⵓⵙ ⵏ ⵡⴰⵏⵙⴰ ⵏ ⴱⴰⵏⵚⴰ ⵓⵡⵉⵏ ⴷ ⴰⴷ ⵢⵉⵍⵉ ⵢⵉⴼⵉ ⵏ ⵉⴼⵔⵓⵔⵓⵢⵏ ⵏ ⵜⴷⴷⴰⵔⵡⵉⵏ ⴷ ⵉⴼⵕⵕⴰⵏ ⵏ ⵍⴳⴰⵊⵓⵕ ⴰⵇⵓⵔⴰⵔ ⵉⵜⵜⵓⵖⵓⵍⵏ ⵖⵔ ⵜⵉⵣⵉ ⵜⴰⵎⵓⵔⵉⵢⵜ, ⴷ ⵉⵎⵜⵜⵉⵡⵏ ⴰⴷⵔⵣⴰⵏⵏ ⵉⴱⵖⵓⵔⵏ ⵎⵢⴰⵏⴰⵡⵏ ⵙⴳ ⵉⵔⴽⵓⵜⵏ ⵏ ⵉⴷⵇⵇⵉ ⴰⴼⵔⴰⵔ ⵉⵖⵎⴰⵏ ⴷ ⵜⴱⵓⵇⵇⴰⵍⵉⵏ ⵉⵜⵜⵓⵖⵓⵍⵏ ⵙ ⵏⴳⵔ ⵜⵙⵓⵜⴰ ⵜⵉⵙ ⵚⴹⵉⵚⵜ ⴷ ⵜⵙⵓⵜⴰ ⵜⴰⵎⵣⵡⴰⵔⵓⵜ ⵏ ⴷⴰⵜ ⵜⵍⴰⵍⵉⵜ.
ⵜⵉⵡⵓⵔⵉⵡⵉⵏ ⵏ ⵜⴽⵏⵏⴰⵡⵏⵜ ⴷ ⵜⴽⴽⵉ ⵏ ⵡⴰⴷⴷⵓⵔ
ⴷⵉ ⵓⵙⴰⵜⵉ ⵏ ⵜⵙⵔⵜⵉⵜ ⵏⵏⴰ ⵜⴹⴼⴰⵕ ⵜⵎⴰⵡⴰⵙⵜ ⵏ ⵜⴷⵍⵙⴰ ⴳ ⵓⵙⵖⵓⴷⵓ ⴷ ⵜⵉⴽⴽⵉ ⵏ ⵡⴰⴷⴷⵓⵔ ⵉ ⵡⴰⵢⴷⴰ ⴰⴷⵔⵣⴰⵏ ⵖⴼ ⵓⵙⵡⵉⵔ ⴰⵏⴰⵎⵓⵔ, ⵜⴳⴰ ⵜⵙⵃⴹⴰⵡⵜ ⵏ ⵡⴰⵏⵙⴰ ⵏ ⴱⴰⵏⴰⵚⴰ ⴷ ⵜⴰⵎⵓⵙⵉⴷⴰ ( ⵜⴰⵎⵀⵍⴰ ⵜⴰⵏⵎⵏⴰⴹⵜ ⵏ ⵜⴷⵍⵙⴰ ⴳ ⵍⵇⵏⵉⵟⵕⴰ) ⵏⴳⵔ ⵓⵙⴳⴳⵯⴰⵙ ⵏ 2009 ⴷ 2011 ⵜⴰⵙⴽⵔⵉⵡⵜ ⵏ ⵏ ⵜⵡⵓⵔⵉⵡⵉⵏ ⵏ ⵜⴽⵏⵏⴰⵡⵜ ⴷ ⵓⵙⵖⵓⴷⵓ ⵏ ⵓⴳⵣⵓⵎ ⵙⴳ ⵓⴱⴰⵔⴰⵣ ⵏ ⴰⴳⴷⵓⴷⴰⵏ ⴰⵕⵓⵎⴰⵏⵉⵢ ⴳ ⵡⴰⵏⵙⴰ ⵏ ⴱⴰⵏⴰⵚⴰ ⴰⴷⵔⵣⴰⵏ. ⴰⵢⴷⴷⵖ ⵏ ⵜⵡⵓⵔⵉⵡⵉⵏ ⴳⴰⵏⵜ ⵜⵉⵎⵣⵡⵓⵔⴰ ⵙⴳ ⵡⴰⵏⴰⵡⵏ ⵏⵏⵙⵏⵜ ⵙⴳ ⵓⵢⵏⵏⴰ ⵉⵜⵜⵢⴰⴼⴰ ⵡⴰⵏⵙⴰ ⴰⴷⵔⵣⴰⵏ ⵙ ⵡⵓⵖⵓⵣⵏ ⵍⵍⵉ ⵉⵟⵟⴼⵏ ⵏⴳⵔ 1930 ⴷ1956.
ⴱⴷⴷⴰⵏⵜ ⵜⵡⵓⵔⵉⵡⵉⵏ ⵜⵉⵎⵣⵡⵓⵔⴰ ⵏ ⵜⴽⵏⵏⴰⵡⵜ ⵖⴼ ⵡⴰⵏⵏⴰⵍ ⴷ ⵜⴽⵏⵏⴰⵡⵜ ⵏ ⵜⵔⵙⴰⵍ ⴷ ⵉⵙⴰⴽⴰⵜⵏ ⵏ ⵉⴱⴰⵔⴰⵣⵏ ⵉⴳⴷⵓⴷⴰⵏⵏ ⴷ ⵜⴽⵏⵏⴰⵡⵜ ⵏ ⵜⴳⴳⵓⵔⵜ ⵏ ⵓⵖⵍⵍⵓⵢ ⵏ ⵍⴼⵓⵕⵓⵎ ⴷ ⵓⵙⵖⵓⴷⵓ ⴷ ⵓⵎⵓⴽⵏ ⵏ ⵜⴳⴳⵓⵔⵜ ⵜⴷⵙⵍⴰⵏⵜ ⵏ ⵜⵙⵏⴱⴹⴰⵢⵜ ⵜⴰⵕⵓⵎⴰⵏⵉⵜ ⴷ ⵉⵖⵔⴱⴰⵏ ⵏ ⴱⵕⵕⴰ ⵉ ⵜⵎⴰⵜⴰⵔⵜ ⴰⴷ ⵓⵍⴰ ⴰⵏⵏⴰⵍ ⵏ ⵓⵙⴽⵯⵍ ⵉⵜⵜⴰⵡⵉⵏ ⵖⵔ ⵓⵙⵓⵎⵖ ⴷ ⵜⵙⴳⵣⵔⵜ ⴷ ⴽⵔⴰⴹⵜ ⵜⵎⵚⵕⵉⵢⵉⵏ ⵏ ⵓⵙⵓⵎⵖ.
ⴳ ⵓⵙⴳⴳⵯⴰⵙ ⵏ 2016 ⵜⴻⵜⵜⵓⴳⴰ ⵜⴽⵏⵏⴰⵡⵜ ⴷ ⵡⴰⵏⵏⴰⵍ ⵏ ⵉⴳⵣⵣⵓⵎⵏ ⵉⵙⵜⴰⵡⵀⵎⵎⴰⵏ ⵏ ⵉⵔⴰⴷⴰⴱⵏ ⵉⵍⴰⵏ ⵓⵏⵓⵖⵏ ⵏ ⵉⴳⵓⴷⴰⵔ ⵜⵜⴰⴼ ⴰⴷ ⵢⵉⵍⵉ ⵓⵃⵟⵟⵓ ⵉ ⵜⵎⴰⵜⴰⵔⵜ ⴰⴷ ⵜⵓⴼⵔⵉⴷⵜ ⵏⵏⴰ ⵉⵙⵓⵍⵏ ⵜⵃⴹⴰ ⵇⵇⴰⵃ ⵉⵖⵎⴰⵏ ⵏ ⵉⵖⵔⴱⴰⵏ ⵉⴽⵯⵍⴰⵏ ⵍⵍⵉ ⵉⴷⵡⵍⵏ ⵙⵖⴰⵡⵙⵏ ⵜⴰⴽⵏⵏⴰⵡⵜ ⵉⴼⵔⵔⵣⵏ ⵜⴻⵜⵜⵓⵥⵍⴰⵢ. ⴰⵎⵓⵏⵜ ⵓⵢⴷⴷⵖ ⵏ ⵜⵡⵓⵔⵉⵡⵉⵏ ⴷⵉ ⵓⵙⴰⵜⵉ ⵏ ⵜⵣⵎⵎⴰⵔ ⵏⵏⴰ ⵜⴻⵜⵜⴳ ⵜⵙⵃⴹⴰⵡⵜ ⵏ ⵡⴰⵏⵙⴰ ⵏ ⴱⴰⵏⴰⵚⴰ - ⵜⴰⵎⵓⵙⵉⴷⴰ ⴰⴼⴰⴷ ⴰⴷ ⵉⵜⵜⴼⴽ ⵡⴰⴷⴷⵓⵔ ⵉ ⵜⵓⵚⴽⴰⵡⵉⵏ ⵜⵉⴷⵔⵣⴰⵏⵉⵏ ⵏ ⵡⴰⵏⵙⴰ ⴷ ⵓⵙⵎⵏⵉⴷ ⵏ ⵜⵎⴰⵜⴰⵔⵉⵏ ⵏⵏⵙ ⵉ ⵉⵏⵔⵣⴰⴼⵏ ⵙ ⵜⴼⴰⴷⵉⵡⵉⵏ ⵉⵜⵢⴰⵙⵙⵏ ⴳ ⵢⵉⴳⵔ ⵏ ⵓⵙⵖⵓⴷⵓ ⵏ ⵡⴰⵏⵙⴰ ⴰⴷⵔⵣⴰⵏ. ⵎⵛⵉⵙ ⵡⵜⵜⵙⵏⵜ ⵓⵢⴷⴷⵖ ⵏ ⵜⵡⵓⵔⵉⵡⵉⵏ ⴰⵍⵜⵓ ⵖⵔ ⵓⵙⴼⵔⴽ ⵏ ⵉⵎⵣⴷⴰⵖⵏ ⵉⴷⵖⴰⵔⴰⵏⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⵙ ⵡⴰⵜⵉⴳ ⵏ ⵓⵃⵟⵟⵓ ⵏ ⵡⴰⵢⴷⴰ ⴰⴷ ⴰⴷⵍⵙⴰⵏ ⴷ ⵓⵏⵎⵣⵔⵓⵢ ⴰⵢⵏⵏⴰ ⵖⴼ ⵉⵜⵜⴰⴷⴼ ⴳ ⵉⵙⴽⴰⵜⴰⵏ ⵏ ⵜⵎⴰⵍⵍⴰⵢⵜ ⵜⴰⵏⵎⵏⴰⴹⵜ ⴷ ⵜⵏⴰⵎⵓⵔⵜ ⴷ ⵓⵙⴽⵛⵎ ⵏⵏⵙ ⴳ ⵓⵢⵏⵏⴰ ⵉⵙⵡⵉⵔⵉⵏ ⵜⵉⵏⴳⵎⵉ ⵜⴰⴷⵖⴰⵔⴰⵏⵜ.