ⵜⴰⵎⴳⵓⵔⵉ ⵏ ⵉⴷⵇⵇⵉ ⴳ ⵜⵎⴷⵉⵏⵜⵏ ⵓⵙⴼⵉ
ⴰⵔ ⵙⴷⴷⵉⴷⵏⵜ ⵜⵎⵓⵍⴰ ⵏ ⵓⵎⵣⵔⵓⵢ ⴷ ⵜⵏⵓⵣⴰⴼ ⵜⵉⴷⵔⵣⴰⵏⵉⵏ ⵎⴰⵙ ⴷ ⵜⴰⵎⴷⵉⵏⵜ ⵏ ⴰⵙⴼⵉ ⵜⵙⵙⵏ ⴰⵙⵢⴰⴼⵓ ⵉⵙⵜⴰⵡⵀⵎⵎⴰⵏ ⵏ ⵉⴷⵇⵇⵉ ⵙⴳ ⵜⵉⵣⵉ ⵜⴰⵎⵓⵡⵃⵃⵉⴷⵉⵜ ⴷⵔⵓⵖ ⴷ, ⵙⵙⵓⴷⵓⵏ ⵉⵎⵏⵉⴹⵏ ⴳ ⵓⵃⵟⵟⵓ ⴷ ⵓⴼⵔⴰⴳ ⵏ ⵜⵎⵓⵣⴰⵢ ⴷ ⵜⵙⵏⵉⴳⵉⵏ ⵉⵇⵇⵏⵏ ⵖⵔ ⵢⵉⴳⵔ ⴰⴷ, ⵙⴱⵓⵖⵍⵓⵏ ⵜⵏⵜ ⵖⴼ ⵜⴰⵖⵣⵉ ⵏ ⵜⵙⵓⵜⵉⵡⵉⵏ, ⴰⵢⵍⵍⵉⵖ ⵜⵏⵏⴼⵍ ⵜⵎⴷⵉⵏⵜ ⴰⵙⴼⵉ ⴷ ⴰⵎⵎⴰⵙ ⵉ ⵜⵙⴳⴰ ⵏⵏⴰ ⵢⵓⵡⵉⵏ ⴷⵔⵓⵖ ⴷⴷ4500 ⵏ ⵉⵎⵏⵉⴹⵉ ⴷⴷⵔⵏⵉⵏ ⵙ ⵜⵙⴽⵔⴰⵡⵜ ⵏⵏⵙ ⵏ ⵡⴰⵢⴷⴰ ⴰⴷ, ⵜⴷⵡⵍ ⵜⵎⴷⵉⵏⵜ ⵜⴳ ⵙⴳ ⵡⴰⵎⵎⴰⵙⵏ ⵉⵙⵜⴰⵡⵀⵎⵎⴰⵏ ⵏ ⵉⴷⵇⵇⵉ ⵉⵖⵓⴷⴰⵏ ⴳ ⵜⵎⴰⵣⵉⵄⵔⵜ ⵏⵏⵖ.
ⵜⵃⴹⴰ ⵜⴰⵣⵣⵓⵍⵜ ⵏ ⵉⴷⵇⵇⵉ ⴳ ⵓⵙⴼⵉ ⴰⵢⴷⴰ ⴰⵏⴰⵎⵓⵔ ⴰⵎⵣⵔⵓⵢ ⴰⵙⵍⴰⵏ, ⵖⵎⴽⵍⵍⵉ ⵜⴻⵜⵜⴰⵡⵙ ⴳ ⵓⵏⵣⴰⵖ ⵏ ⵜⵎⴰⵍⵍⴰⵢⵜ ⵖⵔ ⵜⵎⴷⵉⵏⵜ, ⵜⴳ ⴰⵙⴰⴳⵎ ⵏ ⵡⴰⴷⴰⴼ ⵉ ⵢⴰⵏ ⵡⵓⵟⵟⵓⵏ ⴰⵎⵇⵇⵔⴰⵏ ⵙⴳ ⵉⵎⵏⵉⴹⵏ ⵏⵏⴰ ⵉⵙⵡⵓⵔⵉⵏ ⵙ ⵜⵍⵖⴰ ⵜⵓⵥⵉⵢⵜ ⴳ ⵜⵡⵔⵉⵔⵜ ⵏ ⵉⴷ ⴱⵓⵉⴷⵇⵇⵉ, ⴷ ⵡⴰⵙⵉⴼ ⵏ ⵖⵖⵄⴱⴰ, ⴷ ⵓⴼⴰⵔⴰ ⵏ ⴰⵢⵜ ⵉⴷⵇⵇⵉ; ⴰⵔ ⵙⴽⴰⵔⵏ ⴽⵔⴰ ⵏ ⵡⴰⵢⵢⴰⵡⵏ ⵉⵎⵢⴰⵏⴰⵡⵏ ⵙⴳ ⵡⴰⵢⵢⴰⵡⵏ ⵏ ⵓⴼⵔⴷⵉⵙ ⴰⴷ, ⴰⵔ ⵏⵙⵙⴽⵜⴰⵢ ⵙⴳ ⴷⵉⴳⵙ : (ⴷⴷⴽⴰⴽ) ⵡⵏⵏⴰ ⵉⵙⴷⴷⴳⴷⴰⴳⵏ ⴰⵍⵓⴹ, (ⵟⵟⵕⵕⴰⴱ) ⵡⵏⵏⴰ ⵜ ⵉⵔⴳⴳⵯⵉⵏ ⴷ ⵡⴰⵎⴰⵏ ⴷ (ⵍⵍⵡⵍⴰⴱⵉ) ⵡⴰⵏⵏⴰ ⵉⵙⴽⵔⴰⵏ ⴰⵔⵓⴽⵓ ⵖ ⵢⵉⴳⴳⵉ ⵏ ⵓⵙⵓⵜⴻⵜⵜⵢ, ⴷ (ⵣⵣⵍⴰⵢⵊⵉ) ⵡⴰⵏⵏⴰ ⵉⵜⵜⵓⵥⵍⴰⵢⵏ ⴳ ⵓⵙⵔⵔⵓⵙ ⵏ ⵜⴰⵥⵓⵍⵜ, ⴷ (ⵣⵡⵡⴰⵇ) ⵡⴰⵏⵏⴰ ⵉⵙⵓⵏⵓⵖⵏ ⵉⴳⵣⵣⵓⵎⵏ ⵙ ⵉⵖⵎⴰⵏ, ⴷ ( ⵍⴼⵕⴰⵕⵏⵉ) ⵡⴰⵏⵏⴰ ⵉⵍⵍⴰⵏ ⵖⴼ ⵓⵙⵏⵡⵉ ⵏ ⵉⵢⴰⴼⵓⵜⵏ ⴳ ⵓⴼⵕⵕⴰⵏ.
ⴹⴰⵕⵜ ⵓⵙⵙⵓⴼⵖ ⵏ ⵡⴰⵍⵓⴹ ⴷ ⵢⵓⵙⴰⵏ, ⴷⴰ ⵉⵣⵔⵔⵉ ⴳ ⵡⴰⵀⵍⵉ ⵏ ⵜⴼⵔⴽⵉⵡⵉⵏ ⴷⴰⵜ ⴰⴷ ⵢⵓⵖⵓⵍ ⴷ ⴰⵔⵓⴽⵓ ⵙ ⵓⵙⵎⵔⵙ ⵏ (ⵍⵍⴰⵡⵍⴰⴱ /ⴰⵙⵡⵍⴻⵍⵍⵓ). ⴰⵔ ⵉⵜⵜⵓⴼⵙⴰⵔ ⵓⵔⵓⴽⵓ ⵙⴰⴷⵓ ⵏ ⵉⵥⵏⵥⴰⵕ ⵏ ⵜⴰⴼⵓⴽⵜ ⵜⵜⴰⴼ ⴰⴷ ⵉⵣⵡⵓ, ⴰⵔ ⵉⵜⵜⵓⴼⵔⴰⵙ ⵜⵎⵍⵉⵍ ⵙ ⵢⴰⵏ ⵉⵎⵟⵟⵉ ⵉⵥⵍⵉⵏ, ⴷⴰⵜ ⴰⴷ ⵉⵣⵡⵓ ⵜⵉⴽⴽⵍⵜ ⵜⵉⵙ ⵙⵏⴰⵜ ⴷⴰ ⵉⵏⴳⴳⵯⴰ ⴳ ⵓⴼⵕⵕⴰⵏ.
ⴷⴼⴼⵔ ⵜⴰⵎⵀⵍⵜ ⵏ ⵓⵙⵏⵡⵉ ⴰⵎⵣⵡⴰⵔⵓ, ⴷⴰ ⵉⵜⵜⵓⵖⵎⴰ ⵓⵔⵓⴽⵓ ⵙ ⵓⵙⵎⵔⵙ ⵏ ⵙⵎⵎⵓⵙ ⵏ ⵉⴽⵯⵍⴰⵏ ⵉⴷⵙⵍⴰⵏⵏ ⵍⵍⵉ ⵉⴳⴰⵏ : ⴰⵎⵍⵍⴰⵍ, ⴰⵊⵏⵊⴰⵍⵉ, ⴰⵣⴳⵣⴰⵡ, ⴰⵡⵔⵔⴰⵖ ⴷ ⵓⴷⵎⵎⴰⵏ. ⴰⵔ ⵉⵜⵜⵢⴰⵎⴰⵙ ⵙ ⵢⴰⵏ ⵉⵎⵟⵟⵉ ⵙⴳ ⵜⴰⵥⵓⵍⵜ( émail) . ⴳ ⵓⵎⴳⴳⴰⵔⵓ ⴷⴰ ⵉⵜⵜⵓⵙⵔⴰⵙ ⵓⵔⵓⴽⵓ ⴰⵍⵜⵓ ⵜⵉⵙ ⵙⵏⵜ ⵜⵉⴽⴽⴰⵍ ⴳ ⵓⴼⵕⵕⴰⵏ ⵜⵜⴰⴼ ⴰⴷ ⵉⵙⵡ ⵜⴰⵥⵓⵍⵜ ⴷ ⵓⵙⵜⵜⵎⵔ ⵏⵏⵙ ⵖⴼ ⵡⵓⵏⵓⵖⵏ ⵜⴼⴽ ⴰⵙ ⴰⵛⵍⵉⵍⴼ ⴷ ⵓⵙⴼⵍⵉⵍⵍⵢ.
ⵙ ⵜⵜⵉⵇⵏⵉⵢⵉⵏ ⴰⴷ ⵉⵔⵡⵉⵏ, ⵍⴰ ⵉⵙⴽⴰⵔ ⵓⵎⴳⵓⵔⵉ ⴰⵎⵏⵉⴹⵉ ⴳ ⵜⵎⴷⵉⵏⵜ ⵏ ⵓⵙⴼⵉ ⵜⵉⵍⵓⴽⴰ ⴷ ⵉⵔⵓⴽⵓⵜⵏ ⵏ ⵡⵓⵜⵛⵉ, ⵏⵖ ⵡⵉⵏ ⵓⵃⵟⵟⵓ ⵏ ⵉⴱⵍⵓⵍⵓⵜⵏ, ⴷ ⴽⵔⴰ ⵏ ⵉⵢⴰⴼⵓⵜⵏ ⵏⵏⵉⴹⵏ ⵉⵎⵢⴰⵏⴰⵡⵏ ⵣⵓⵏ ⴷ ⴰⵙⴹⴼ ⵏ ⵜⵛⵓⵎⵄⵉⵜ, ⴷ ⵜⴰⴷⵡⴰⵜ, ⴷ ⵜⵎⴱⵅⵅⵔⵜ, ⴷ ⵜⵓⴳⵜⵜ ⵏ ⵜⴰⵍⵖⵉⵡⵉⵏ ⵏ ⵓⴷⵍⴰⴳ.