ⵜⴰⵎⴳⵓⵔⵉ ⵏ ⵜⵊⵍⵍⴰⴱⵉⵜ ⵜⴰⵡⵣⵣⴰⵏⵉⵜ
ⵜⴳⴰ ⵜⵊⵍⵍⴰⴱⵉⵜ ⵜⴰⵡⵣⵣⴰⵏⵉⵜ ⵙⴳ ⵜⵎⵍⵙⴰ ⵉⵜⵜⵢⴰⵡⵙⵙⴰⵏ ⵏⵏⴰ ⵉⵙⴽⴰⵏⵏ ⴰⵣⴷⴰⵢ ⵏ ⵉⵎⵖⵔⴰⴱⵉⵢⵏ ⵙ ⵓⵎⴰⵜⴰ, ⴷ ⵉⵎⵣⴷⴰⵖ ⵏ ⵜⵎⴷⵉⵏⵜ ⵏ ⵡⴰⵣⵣⴰⵏ ⵙ ⵓⵥⵍⴰⵢ, ⴰⴽⴷ ⵜⴷⵍⵙⴰ ⴷ ⵜⵎⴰⴳⵉⵜ ⵜⵏⴰⵎⵓⵔⵜ. ⵉⴱⴷⴷⴰ ⵓⵥⵟⵟⴰ ⵏⵏⵙ ⵉⵙⴳⴳⵯⴰⵙⵏ ⵖⴼ ⵡⵉⵢⵢⴰⴹ ⵎⴳⴰⵍ ⵇⵇⴰⵃ ⵜⵉⵏⴰⵥⴰⵕⵉⵏ, ⵙ ⵓⵖⴹⴰⴼ ⵏ ⵉⵎⵏⵉⴹⵏ ⴳ ⵜⵎⴷⵉⵏⵜ ⴰⴷ ⵉ ⵓⵃⵟⵟⵓ ⴷ ⵡⴰⵔⴰⵢ ⵏ ⵜⵓⵥⵍⴰⵢⵉⵏ ⵏ ⵡⴰⵢⴷⴰ ⵏ ⵓⵥⵟⵟⴰ ⴰⴷ, ⵍⴰ ⵣⵣⵖ ⵜⵜⵉⵇⵏⵉⵢⵉⵏ, ⵏⵖ ⵣⵣⵖ ⵉⵎⵜⵜⵉⵡⵏ ⵉⵎⵙⴰⵔⵉⵜⵏ ⵉⵜⵜⵓⵙⵎⵔⴰⵙⵏ ⴷⵉ ⵓⵙⵢⴰⴼⵓ. ⵎⴰⵏ ⴰⵢⴰ ⴰⴷ ⴰⵙ ⵉⴼⴽⴰⵏ ⵉ ⵜⵊⵍⵍⴰⴱⵉⵜ ⵜⴰⵡⵣⵣⴰⵏⵉⵜ ⴰⴷ ⵜⵜⵢⴰⵡⵙⵙⴰⵏ ⴰⵟⵟⴰⵚ ⴰⴳⵯⵏⵙ ⴷ ⴱⵕⵕⴰ ⵏ ⵍⵎⵖⵔⵉⴱ.
ⴹⴰⵕⵜ ⵎⵉⵏ ⵉⵍⴰⵙ ⵓⵎⵍⵙⵉ ⵏ ⵡⴰⵛⵜⴰⵍ ⵜⴰⴹⵓⴼⵜ ⴳ ⵜⵎⵏⴰⴹⵜ, ⴷⴰ ⵙⵙⵏⵜⵉⵏⵜ ⵜⵙⴷⵏⴰⵏ ⴳ ⵜⵔⴷⴰ ⵏⵏⵙ, ⴷ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ, ⴳ ⵡⴰⵎⴰⵏ ⵏ ⵉⵖⴱⵓⵍⴰ ⵉⴳⴰⵎⴰⵏⵏ ⵉⵜⵜⵡⴰⵙⵙⵏ ⵙ ⵛⵛⵕⵛⵓⵔⴰ, ⴰⵔ ⵜⵜⵡⴰⵙⴰⵔⴰ ⴳ ⵜⵙⴽⵏⵉⵏ ⵏ ⵓⵖⴰⵏⵉⵎ ⴷⴰⵜ ⴰⴷ ⵜⵜⵓⴼⵙⴰⵔ ⴰⴷ ⵜⵣⵡⵓ ⴷ ⵜⵉⴳⴳⵉ ⵏ ⵍⴽⴱⵔⵉⵜ, ⵙ ⵓⵙⵎⵔⵙⵏ ⵏ ⵜⵎⵜⵜⴰ ⵏ ⵍⴽⴱⵔⵉⵜ ⴰⴼⴰⴷ ⴰⴷ ⴰⵙ ⵉⵜⵜⵓⴼⴽ ⵓⴽⵍⵓ ⴰⵎⵍⵍⴰⵍ ⵉⵙⴼⵉⴽⴽⵉⵏ ⵉ ⵜⴰⴹⵓⴼⵜ. ⴰⵔ ⵜⵜⵉⵔⵉⴷ ⵜⵉⴽⴽⵍⵜ ⵜⵉⵙ ⵙⵏⴰⵜ ⵜⵣⵡⵓ ⴷⴰⵜ ⴰⴷ ⵜⵜⵓⵙⵉⴽ ⴰⴼⴰⴷ ⴰⴷ ⵜⴳ ⴰⵙⵙⴼⵉⴼⵏ. ⴷⴼⴼⵔ ⵎⴰⵏ ⴰⵢⵏⵏⵉ, ⴷⴰ ⵜⵜ ⵜⵜⵍⵎⵏⵜ ⵜⵙⴷⵏⴰⵏ ⵙ ⵉⵥⴹⵉ ⵉⴰⵙⴼⵉⴼⵏ ⴰⴷ ⵙ ⵓⵙⵎⵔⵙ ⵏ ⵢⴰⵜ ⵏ ⵜⵍⴰⴽⴰⵜ ⵏ ⵓⴽⵛⵛⵉⴹ ⵉⵜⵜⵡⴰⵙⵙⵏ ⵙ ⵏⵏⴰⵄⵓⵕⴰ, ⴰⵔ ⵜⵏⵏⴹⵏ ⵉⴼⴰⵍⴰⵏ ⵉⵖⵓⴷⴰⵏ ⴷ ⴳⵉⵙ ⵉⴼⴼⵖⵏ ⵖⴼ ⵢⴰⵏ ⵉⵎⵉⵙⵙ ⵉⴳⴰⵏ ⵣⵣⵖ ⵓⴳⵣⵣⵓⵎ ⵏ ⵓⵖⴰⵏⵉⵎ ⵙ ⵜⴰⵖⵣⵉ, ⵎⵉⵏ ⵉⵜⵜⵢⴰⵙⵙⵏ ⵙ ⵜⵎⵀⵍⵜ ⵏ ⵜⵜⵛⴱⵉⴱⴰ. ⴳ ⵜⴳⵉⵔⴰ, ⴰⵔ ⵜⵜⵓⴼⵙⴰⵔ ⴰⴼⴰⴷ ⴰⴷ ⵜⵏⵣ ⴳ ⵓⴳⴰⴷⴰⵣ ⵏ ⵡⵓⵍⵓⵎ ⵏ ⵜⵥⵟⵉ ⵉ ⵉⵔⴳⴰⵣⵏ ⵍⵍⵉ ⵉⵜⵡⴰⵙⵙⵏ ⵙ ⴷⴷⵔⵔⴰⵣⴰ.
ⴷⴰ ⵙⵙⵏⴼⴰⵍⵏ ⴷⴷⵔⴰⵣⴰ ⵉⴼⴰⵍⴰⵏ ⵏ ⵜⴰⴹⵓⴼⵜ ⴷⴰⵕⵜ ⵜⵥⵟⵉ ⵏⵏⵙⵏ ⵖⵔ ⵓⵛⴹⴹⵓⵕ ⵏ ⵜⵉⴼⵙⵜ ⴷ ⵓⵙⵏⴼⵍ ⵏ ⵓⵛⴹⴹⵓⵕ ⵖⵔ ⵜⵊⵍⵍⴰⴱⵉⵜ, ⵙ ⵜⴰⵍⵖⵉⵡⵉⵏ ⵏⵏⵙ ⵓⵏⴱⴷⵓ (ⵙⵙⵓⵙⴷⵉ ⴷ ⵓⵎⵟⵟⴰⵍⵚⵓ), ⴷ ⵡⵉⵏ ⵜⴳⵔⵙⵜ (ⵉⴼⵙ ⵉⵣⵓⵔⵏ, ⵍⵎⵔⵉⵢⴰ, ⵜⴰⵍⴷⵊⵉⴳⵜ ⵏ ⵓⴱⴰⵡⴷ ⵙⵙⵍⵙⴰ), ⴷ ⵜⵉⵏ ⵜⴼⵙⵓⵜ ( ⵍⵃⵔⴱⵉⵢⴰ ⴷ ⵍⵃⵔⴱⵉⵢⴰ ⵙ ⵓⵎⵟⵟⴰⵍⵚⵓ).
ⵜⴻⵜⵜⵡⴰⵙⵙⵏ ⵜⵎⴷⵉⵏⵜ ⵏ ⵡⴰⵣⵣⴰⵏ ⵙ ⵜⴼⵔⵉⵙⵜ ⵏⵏⵙ ⵏ ⵢⵉⵎⴰⵏ, ⴷ ⵙ ⵓⴳⴰⵍⵓⵣ ⵏⵏⵙ ⴰⵎⵣⵔⵓⵢ, ⴷ ⵙ ⵜⵣⵎⵎⴰⵔ ⵏⵏⵙ ⵜⵉⴳⴰⵎⴰⵏⵉⵏ, ⴷ ⵡⴰⵢⴷⴰ ⵏⵏⵙ ⴰⴷⵍⵙⴰⵏ ⴰⵔⴰⴽⵎⴰⵎ ⵉⴱⵖⵔⵏ ⵉⵎⵢⴰⵏⴰⵡⵏ, ⵏⵏⴰ ⵎⵉ ⵜⵙⴽⴰⵏ ⵜⴰⵊⵍⵍⴰⴱⵉⵜ ⵢⴰⵏ ⵙⴳ ⵡⵓⵎⴷⴰⵡⵏ ⵏⵏⵙ ⵉⴼⴰⵡⵏ.